Səhmləri 40% bahalaşan eBay 1000 əməkdaşını işdən çıxarır

Səhmləri 40% bahalaşan eBay 1000 əməkdaşını işdən çıxarır

Elektron ticarət nəhəngi yenidən işçi ixtisarına başlayır - eBay-də kütləvi ixtisar – İşçilərin 9%-i işini itirəcək

Səhmləri 40% bahalaşan eBay 1000 əməkdaşını işdən çıxarır

ABŞ-ın elektron ticarət nəhəngi eBay əməliyyatlarını sadələşdirmək və maliyyə resurslarını daha sürətlə böyüyən biznes istiqamətlərinə yönəltmək məqsədilə işçi qüvvəsinin təxminən 9%-ni ixtisar etməyi planlaşdırır.

Marja.az Reuters agentliyinə istinadən xəbər verir ki, şirkətin baş icraçı direktoru (CEO) Ceymi İannone (Jamie Iannone) əməkdaşlara göndərdiyi daxili məktubda ixtisar qərarını açıqlayıb.

Şirkətin sözçüsü isə Reuters-ə verdiyi açıqlamada təxminən 1000 əməkdaşın işdən çıxarılacağını təsdiqləyib.

Ötən ilin sonunda 12 min 300 nəfər işçisi olan eBay daha əvvəl də yenidən strukturlaşdırma tədbirləri həyata keçirib. Şirkət fevral ayında işçi qüvvəsinin təxminən 6%-nə bərabər olan 800 əməkdaşını ixtisar edib.

eBay səhmləri təxminən 40% bahalaşıb

eBay təsdiqlənmiş orijinal lüks məhsullar, kolleksiya əşyaları və yenilənmiş məhsulların satışına üstünlük verməklə rəqiblərindən fərqlənməyə çalışır.

Şirkətin daha yüksək qiymətli məhsullar almağa hazır olan istehlakçılara yönəlmiş strategiyası səhmlərinin ilin əvvəlindən təxminən 40% bahalaşmasına töhfə verib.

İannone əməkdaşlara ünvanladığı məktubda şirkətin inkişaf strategiyasının nəticə verdiyini bildirib.

“Strategiyamız işləyir”, – deyə baş icraçı direktor vurğulayıb.

O qeyd edib ki, eBay-in qarşısında duran böyümə imkanlarından istifadə edə bilməsi üçün investisiya qoyulacaq və diqqət yönəldiləcək sahələrin seçilməsində düşünülmüş qərarlar qəbul etmək lazımdır.

İannonenin sözlərinə görə, ixtisarlardan təsirlənəcək əməkdaşlara yaxın günlərdə məlumat veriləcək.

Şirkət gələcəkdə də resurslarını yüksək böyümə potensialına malik istiqamətlərə yönəltməyi davam etdirəcək.

İş elanları AzVak.az-da

eBay eBay işçi ixtisarı eBay səhmləri eBay 2026 elektron ticarət ABŞ texnologiya şirkətləri kütləvi ixtisar Jamie Iannone iş yerlərinin azaldılması eBay restrukturizasiyası

22.10.2026 07:07