“Bank Respublika”da növbədənkənar yığıncaq keçiriləcək

“Bank Respublika”da növbədənkənar yığıncaq keçiriləcək

“Bank Respublika” əvvəlki səhmdar qərarlarını yenidən nəzərdən keçirəcək

“Bank Respublika”da növbədənkənar yığıncaq keçiriləcək

“Bank Respublika” ASC səhmdarlarının növbədənkənar ümumi yığıncağını keçirəcək.

Marja.az xəbər verir ki, yığıncaq 19 oktyabr 2026-cı il saat 12:00-da Bankın Bakı şəhəri, Xaqani küçəsi 21 ünvanında yerləşən Baş Ofisində keçiriləcək.

Yığıncağın gündəliyinə Bankın korporativ idarəetməsi, Müşahidə Şurasının tərkibi, Nizamnaməyə dəyişikliklər və aidiyyəti şəxslərlə nəzərdə tutulan müqavilələrin təsdiqi daxil olmaqla bir sıra mühüm məsələlər daxil edilib.

Gündəlikdə əvvəlki tarixlərdə keçirilmiş səhmdarların ümumi yığıncaqlarında bəzi məsələlər üzrə qəbul olunmuş qərarlara yenidən baxılması və həmin məsələlər üzrə yeni müvafiq qərarların qəbul edilməsi də nəzərdə tutulur.

Bundan başqa, səhmdarlar “Bank Respublika” ASC-nin Müşahidə Şurasının tərkibi ilə bağlı məsələni müzakirə edəcəklər.

Yığıncaqda Bankın Nizamnaməsinə əlavə və dəyişikliklərin təsdiqi, Bank tərəfindən aidiyyəti şəxslərlə bağlanması nəzərdə tutulan müqavilələrin təsdiqi və “Bank Respublika” ASC-nin Mükafatlandırma Siyasətinin qəbul edilməsi də gündəlikdə yer alıb.

İclasın gündəliyi ümumilikdə aşağıdakı məsələləri əhatə edir:

1. İclasın sədrinin və katibinin təyin edilməsi;

2. İclasın gündəliyinin təsdiq edilməsi;

3. Əvvəlki ümumi yığıncaqlarda bəzi məsələlər üzrə qəbul edilmiş qərarlara yenidən baxılması və müvafiq qərarların qəbul edilməsi;

4. “Bank Respublika” ASC-nin Müşahidə Şurasının tərkibi;

5. Bankın Nizamnaməsinə əlavə və dəyişikliklərin təsdiqi;

6. Aidiyyəti şəxslərlə bağlanması nəzərdə tutulan müqavilələrin təsdiqi;

7. Bankın Mükafatlandırma Siyasətinin təsdiqi;

8. Digər məsələlər.

İş elanları AzVak.az-da

Bank Respublika Bank Respublika səhmdarları Bank Respublika ümumi yığıncaq növbədənkənar ümumi yığıncaq Bank Respublika Müşahidə Şurası Bank Respublika Nizamnaməsi bank səhmdarları aidiyyəti şəxslərlə müqavilələr Bank Respublika Mükafatlandırma Siyasəti Azərbaycan bankları bank xəbərləri korporativ idarəetmə

17.09.2026 09:22