200 milyon manatlıq istiqraz buraxılışına 444 milyon manatlıq sifariş - Dövlət istiqrazlarına güclü tələb

200 milyon manatlıq istiqraz buraxılışına 444 milyon manatlıq sifariş - Dövlət istiqrazlarına güclü tələb

Maliyyə Nazirliyinin 6%-lik istiqrazlarına böyük tələb. Maliyyə Nazirliyi 361,8 milyon manat cəlb edb.

200 milyon manatlıq istiqraz buraxılışına 444 milyon manatlıq sifariş - Dövlət istiqrazlarına güclü tələb

Azərbaycan Maliyyə Nazirliyinin 720 günlük kuponlu dövlət istiqrazlarının Bakı Fond Birjasında keçirilən hərracında 361 milyon 761,1 min manatlıq yerləşdirmə həyata keçirilib.

Marja.az Bakı Fond Birjasına istinadən xəbər verir ki, hərrac 15 sentyabr 2026-cı il tarixində Bakı Fond Birjasında baş tutub.

VTB-də minimal faiz dərəcəsi ilə nağd kredit 9.9%-dən

İstiqrazların ilkin buraxılış həcmi 200 milyon manat təşkil edib. Hərrac zamanı investorlar tərəfindən ümumi nominal dəyəri 444 milyon 118,3 min manat olan 15 sifariş təqdim edilib.

Beləliklə, təqdim olunan sifarişlərin həcmi ilkin elan edilmiş buraxılış məbləğini 2,2 dəfədən çox üstələyib.

Hərracın nəticələrinə əsasən, 361 milyon 761,1 min manatlıq istiqraz yerləşdirilib. Emitent elanda nəzərdə tutulan yerləşdirmə həcminin 100%-dək artırılması imkanından istifadə edib.

İstiqrazların nominal dəyəri 100 manat, kupon faiz dərəcəsi isə illik 6% təşkil edir.

Hərracda minimal qiymət 96,3750 manat, maksimal qiymət 99,5737 manat olub. Kəsmə qiyməti 98,1634 manat, ortaçəkili qiymət isə 98,4073 manat səviyyəsində formalaşıb.

Ortaçəkili gəlirlilik 6,8658%, kəsmə qiyməti üzrə gəlirlilik isə 7% təşkil edib.

Hərracda 8 investor iştirak edib və ümumilikdə 15 sifariş təqdim olunub.

AZ0201240030 ISIN kodlu istiqrazların tədavül müddəti 720 gün, ödəniş tarixi isə 15 sentyabr 2028-ci ildir.

Buraxılış üzrə anderrayter “PAŞA Kapital İnvestisiya Şirkəti” QSC-dir.

Maliyyə Nazirliyi dövlət istiqrazları Bakı Fond Birjası BFB istiqraz hərracı dövlət istiqrazı hərracı 720 günlük istiqraz kuponlu istiqraz 6 faiz istiqraz dövlət borcu istiqraz gəlirliliyi 361 8 milyon manat 444 1 milyon manat PAŞA Kapital AZ0201240030 qiymətli kağızlar bazarı kapital bazarı Azərbaycan istiqrazları investorlar istiqraz yerləşdirilməsi

15.09.2026 16:02