Yeni ixracyönümlü bitkilərin becərilməsi dəstəklənəcək

Yeni ixracyönümlü bitkilərin becərilməsi dəstəklənəcək

Üzüm bağı salanlara hektara 20 min manatadək subsidiya veriləcək. Bağçılıqda yeni subsidiya: Hektara 20 000 manatadək dəstək Aroniya, qızılgül və üzüm bağlarına yeni subsidiyalar

Yeni ixracyönümlü bitkilərin becərilməsi dəstəklənəcək

Aqrar Subsidiya Şurasının qərarı ilə Azərbaycan Respublikası Prezidentinin 25 may 2026-cı il tarixli Sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nda müəyyən edilmiş kənd təsərrüfatında məhsuldarlığın və istehsalın artırılması, müasir suvarma texnologiyalarının tətbiqinin genişləndirilməsi, emal və ixrac yönümlü istehsalın təşviqi, heyvandarlıqda cins tərkibinin yaxşılaşdırılması, eləcə də ölkənin ərzaq təminatının gücləndirilməsi hədəflərinə uyğun olaraq yeni subsidiya mexanizmləri və subsidiya şərtlərində dəyişikliklər təsdiq edilib. Yeni qərarla bitkiçiliklə yanaşı, heyvandarlıq və balıqçılıq sahələrində də bir sıra yeni subsidiyalar tətbiq olunacaq.

Marja.az xəbər verir ki, Şuranın qərarı ilə yüksək əlavə dəyər və ixrac potensialına malik yeni bitkilərin əkininin təşviqi məqsədilə bağçılıq subsidiyalarının əhatə dairəsi genişləndirilib.

Aroniya bağlarının salınmasına görə birdəfəlik 7 500 manat/ha, açıq sahədə efir yağı istehsalı məqsədilə qızılgül əkinlərinə isə 6 000 manat/ha subsidiya veriləcək.

Kiçik (butik) şərabçılığın inkişafı da yeni dövlət dəstəyi istiqamətlərindən biri olacaq. Bu istiqamətdə yerli üzüm sortlarından premium şərab istehsalı, aqroturizmin inkişafı və ixrac yönümlü mikrobrendlərin yaradılması təşviq ediləcək. Təqdim edilən modeldə 5-20 ha olmaqla super-intensiv üzüm bağları üçün 20 000 manat/ha, intensiv üzüm bağları üçün isə 10 000 manat/ha bağçılıq subsidiyası nəzərdə tutulur. 2030-cu ilədək 20 yeni butik şərab evinin yaradılması hədəflənir.

İş elanları AzVak.az-da

üzüm bağı subsidiyası 20 min manat subsidiya bağçılıq subsidiyası aroniya subsidiyası qızılgül subsidiyası butik şərabçılıq premium şərab super-intensiv üzüm bağı intensiv üzüm bağı aqroturizm Aqrar Subsidiya Şurası fermer subsidiyası kənd təsərrüfatı subsidiyaları ixracyönümlü bitkilər yerli üzüm sortları.

07.09.2026 10:20