İstixanalar üzrə yeni əkin subsidiyaları tətbiq olunacaq

İstixanalar üzrə yeni əkin subsidiyaları tətbiq olunacaq

İstixanalara hektara 5 min manatadək subsidiya veriləcək

İstixanalar üzrə yeni əkin subsidiyaları tətbiq olunacaq

Aqrar Subsidiya Şurasının qərarı ilə Azərbaycan Respublikası Prezidentinin 25 may 2026-cı il tarixli Sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nda müəyyən edilmiş kənd təsərrüfatında məhsuldarlığın və istehsalın artırılması, müasir suvarma texnologiyalarının tətbiqinin genişləndirilməsi, emal və ixrac yönümlü istehsalın təşviqi, heyvandarlıqda cins tərkibinin yaxşılaşdırılması, eləcə də ölkənin ərzaq təminatının gücləndirilməsi hədəflərinə uyğun olaraq yeni subsidiya mexanizmləri və subsidiya şərtlərində dəyişikliklər təsdiq edilib. Yeni qərarla bitkiçiliklə yanaşı, heyvandarlıq və balıqçılıq sahələrində də bir sıra yeni subsidiyalar tətbiq olunacaq.

Marja xəbər verir ki, istixana təsərrüfatlarının modernləşdirilməsi və yüksək texnologiyalı istixanaların yaradılmasının təşviqi məqsədilə istixananın texnoloji səviyyəsinə və örtük materialına uyğun olaraq hər hektar əkinə görə 500 manatdan 5 000 manatadək əkin subsidiyası müəyyən edilib.

VTB-də minimal faiz dərəcəsi ilə nağd kredit 9.9%-dən

Əkin subsidiyası 4-cü nəsil şüşə örtüklü yüksək texnologiyalı istixanalarda 5 000 manat/ha, polikarbonat örtüklü istixanalara 3 000 manat/ha, yüksək keyfiyyətli polietilen örtüklü 4-cü nəsil istixanalara 2 500 manat/ha veriləcək. 3-cü nəsil istixanalarda isə əkin subsidiyası müvafiq olaraq 2 000, 1 500, 1 000 manat/ha, digər polietilen örtüklü istixanalarda isə 500 manat/ha müəyyən edilib.

İş elanları AzVak.az-da

istixana subsidiyası istixanalara subsidiya fermer subsidiyası əkin subsidiyası 5 min manat subsidiya yüksək texnologiyalı istixana 4-cü nəsil istixana polikarbonat istixana şüşə örtüklü istixana kənd təsərrüfatı subsidiyaları Aqrar Subsidiya Şurası fermerlərə dövlət dəstəyi istixana təsərrüfatı.

07.09.2026 10:17