Milli Etalon Vaxt artıq onlayndır - Maliyyə əməliyyatları üçün dəqiq vaxt mənbəyi

Milli Etalon Vaxt artıq onlayndır - Maliyyə əməliyyatları üçün dəqiq vaxt mənbəyi

Azərbaycanın Milli Etalon Vaxtına dair rəsmi onlayn platforma istifadəyə verilib. Bu platforma vasitəsilə 2025-ci ildə Beynəlxalq Çəkilər və Ölçülər Bürosu (BIPM) tərəfindən təsdiqlənən Azərbaycanın Milli Etalon Vaxtı (UTC (AZ)) ilə təqdim edilən dəqiq və izləniləbilən vaxt mənbəyindən vətəndaşlar və dəqiq vaxta ehtiyac duyan təşkilatlar asanlıqla istifadə edə biləcəklər.

Milli Etalon Vaxt artıq onlayndır - Maliyyə əməliyyatları üçün dəqiq vaxt mənbəyi

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Metrologiya İnstitutu (AzMİ) tərəfindən Azərbaycanın Milli Etalon Vaxtının (UTC (AZ)) real vaxt rejimində nümayiş olunduğu rəsmi internet səhifəsi (https://aztime.metrology.gov.az/) istifadəyə verilib.

VTB-də minimal faiz dərəcəsi ilə nağd kredit 9.9%-dən

Dövlət Agentliyinin yaydığı məlumatda bildirilir ki, Beynəlxalq Çəkilər və Ölçülər Bürosu (BIPM) tərəfindən ötən il təsdiqlənən Azərbaycanın Milli Etalon Vaxtından telekommunikasiya şirkətləri, audiovizual yayım qurumları, bank-maliyyə sektoru, nəqliyyat və enerji infrastrukturu, informasiya təhlükəsizliyi və məlumatların emalı sahəsində fəaliyyət göstərən qurumlar, elmi-tədqiqat institutları, dövlət orqanları və digər maraqlı təşkilatlar bu platforma vasitəsilə öz fəaliyyətlərində istifadə edə bilərlər. Belə ki, maliyyə əməliyyatlarının dəqiq vaxtının müəyyənləşdirilməsindən tutmuş nəqliyyat-naviqasiya sistemlərinin və şəbəkə infrastrukturunun sinxronlaşdırılmasına qədər bir çox sahədə etibarlı və izləniləbilən vaxt mənbəyi böyük əhəmiyyət kəsb edir.

Qeyd edilib ki, ölkəmiz hazırda qlobal səviyyədə UTC-yə (Koordinasiyalı Universal Vaxt) töhfə verən laboratoriyaya malik dövlətlər sırasında yer alır. Belə ki, AzMİ-nin Vaxt, tezlik və mikrodalğa ölçmələri laboratoriyasındakı sezium atom saatları ilə peyk sistemləri arasındakı vaxt fərqinə dair məlumatlar mütəmadi olaraq Beynəlxalq Çəkilər və Ölçülər Bürosuna ötürülür və məlumatlar UTC-nin formalaşdırılmasında istifadə edilir. Nəticədə, Azərbaycan UTC-nin yaranmasına öz töhfəsini verir və milli etalon vaxtının beynəlxalq səviyyədə etibarlılığını təmin edir.

İş elanları AzVak.az-da

Azərbaycan Milli Etalon Vaxtı UTC AZ UTC (AZ) Azərbaycan vaxtı dəqiq vaxt rəsmi vaxt platforması Azərbaycan Metrologiya İnstitutu AzMİ BIPM Beynəlxalq Çəkilər və Ölçülər Bürosu atom saatı sezium atom saatı Koordinasiyalı Universal Vaxt UTC Azərbaycan UTC aztime.metrology.gov.az banklarda dəqiq vaxt maliyyə əməliyyatları telekommunikasiya nəqliyyat sistemi naviqasiya sistemi enerji infrastrukturu informasiya təhlükəsizliyi şəbəkə sinxronizasiyası milli etalon metrologiya real vaxt sistemi Azərbaycan dəqiq saat Milli Etalon Vaxt platforması.

27.08.2026 10:58