“MPAY” ölkədə ilk dəfə Bolmart mağazasında ovuc ilə ödəniş texnologiyasını istifadəyə verir

“MPAY” ölkədə ilk dəfə Bolmart mağazasında ovuc ilə ödəniş texnologiyasını istifadəyə verir

Azərbaycanda ilk dəfə: Ödəniş üçün nə kart, nə də telefon lazım olacaq - Ovcunuzu göstərirsiniz, hesabdan pul çıxılır. Sistem ovuc damarlarını tanıyır.

“MPAY” ölkədə ilk dəfə Bolmart mağazasında ovuc ilə ödəniş texnologiyasını istifadəyə verir

Fintex sahəsində innovativ həlləri ilə seçilən “MPAY” (eManat) ölkənin nağdsız ödənişlər bazarında yeni bir dövrün əsasını qoyur.

Marja xəbər verir ki, şirkət ölkədə ilk dəfə olaraq ovuc ilə ödəniş texnologiyası olan “PalmPay”i təqdim edir.

Bu texnoloji yenilik ilk dəfə olaraq pilot versiyada “Grandmart” MMC-yə aid Bolmart mağazasında istifadəyə verilib. Müştərilər alış-veriş ödənişlərini Səməd Vurğun küçəsində yerləşən Bolmart mağazasında sadəcə ovucları ilə sürətli və təhlükəsiz şəkildə həyata keçirə bilərlər. Yaxın gələcəkdə bu ödəniş təcrübəsinin digər satış və xidmət məntəqələrində də genişləndirilməsi nəzərdə tutulur.

PalmPay nədir?

PalmPay - istifadəçilərə kart, telefon və ya nağd pul olmadan, sadəcə ovcundan istifadə etməklə ödəniş etməyə şərait yaradan innovativ ödəniş texnologiyasıdır. Sistem istifadəçinin ovuc içindəki unikal damar strukturunu tanıyaraq şəxsiyyəti təsdiqləyir və ödəniş əməliyyatını MPAY cüzdanından təhlükəsiz şəkildə həyata keçirir.

Bu layihə ölkəmizdə rəqəmsal ödəniş ekosisteminin inkişafına böyük təkan verməklə yanaşı, istifadəçilərə maksimum rahatlıq və yüksək təhlükəsizlik vəd edir.

Məlumat üçün bildirək ki, “MPAY” MMC Azərbaycan Respublikası Mərkəzi Bankının 11.07.2024 tarixli EPT-006 nömrəli lisenziyası əsasında fəaliyyət göstərir.

İş elanları AzVak.az-da

PalmPay MPAY eManat ovuc ilə ödəniş Azərbaycanda PalmPay biometrik ödəniş nağdsız ödəniş rəqəmsal ödəniş MPAY PalmPay eManat PalmPay Bolmart Grandmart MMC Bolmart Səməd Vurğun kart olmadan ödəniş telefonsuz ödəniş ovuc damarlarının tanınması biometrik identifikasiya ödəniş texnologiyası fintech Azərbaycan fintex elektron pul təşkilatı MPAY cüzdanı Mərkəzi Bank EPT-006 innovativ ödəniş sistemi Azərbaycan ödəniş bazarı

27.08.2026 10:00