Azərbaycan rəqəmsal nəhəngləri vergi uçotuna aldı - Netflix, eBay və Anthropic də siyahıdadır

Azərbaycan rəqəmsal nəhəngləri vergi uçotuna aldı - Netflix, eBay və Anthropic də siyahıdadır

Azərbaycan daha 4 beynəlxalq rəqəmsal xidmət təchizatçısını vergi uçotuna alıb. Netflix, eBay, Aghanim və Anthropic Azərbaycanda vergi ödəyicisi oldu. ƏDV banklar tərəfindən tutulmayacaq, şirkətlər ƏDV-ni özləri ödəyəcəklər.

Azərbaycan rəqəmsal nəhəngləri vergi uçotuna aldı - Netflix, eBay və Anthropic də siyahıdadır

Azərbaycanda rəqəmsal iqtisadiyyatın vergiyə cəlb edilməsi və bu sahədə inzibatçılığın təkmilləşdirilməsi istiqamətində tədbirlər davam etdirilir. İqtisadiyyat Nazirliyi yanında Dövlət Vergi Xidmətinin elektron qeydiyyat portalı vasitəsilə daha 4 beynəlxalq rəqəmsal xidmət təchizatçısı vergi uçotuna alınıb.

Marja xəbər verir ki. qeydiyyata alınmış şirkətlər ABŞ-nin “Anthropic, PBC” və “Aghanim Inc.”, İsveçrənin “eBay Marketplaces GmbH”, eləcə də Niderlandın “Netflix International B.V.” şirkətləridir. Bu şirkətlərin ƏDV məqsədləri üçün qeydiyyatı 2026-cı il sentyabrın 1-dən qüvvəyə minəcək.

VTB-də minimal faiz dərəcəsi ilə nağd kredit 9.9%-dən

Bu il Vergi Məcəlləsinə edilmiş dəyişikliklərə əsasən, 2026-cı ilin sentyabr ayından etibarən Azərbaycanda elektron ticarət qaydasında xidmət göstərən və ölkə üzrə illik dövriyyəsi 10 min ABŞ dollarını aşan qeyri-rezident rəqəmsal xidmət təchizatçıları üçün vergi orqanında elektron qeydiyyat məcburi olacaq.

Qeydiyyatdan keçmiş qeyri-rezident rəqəmsal xidmət təchizatçılarına edilən ödənişlər üzrə ƏDV banklar tərəfindən tutulmur. Həmin şirkətlər ƏDV-ni özləri hesablayır, bəyan edir və dövlət büdcəsinə ödəyirlər.

Beynəlxalq rəqəmsal xidmət təchizatçılarının elektron qeydiyyat sisteminə qoşulması yeni vergi mexanizminin tətbiqinə hazırlıq prosesinin mühüm nəticələrindən biridir. Dövlət Vergi Xidməti rəqəmsal iqtisadiyyatda müasir vergi inzibatçılığının və şəffaf biznes mühitinin formalaşdırılması istiqamətində fəaliyyətini davam etdirir.

İş elanları AzVak.az-da

Netflix Azərbaycan Anthropic Azərbaycan eBay Azərbaycan Aghanim Inc Netflix International B.V. Anthropic PBC eBay Marketplaces GmbH Dövlət Vergi Xidməti DVX rəqəmsal xidmətlər rəqəmsal iqtisadiyyat elektron ticarət ƏDV ƏDV qeydiyyatı xarici şirkətlər qeyri-rezident şirkətlər rəqəmsal xidmət təchizatçıları vergi qeydiyyatı elektron qeydiyyat portalı Azərbaycanda vergi yeni vergi qaydaları Vergi Məcəlləsi 10 min dollar dövriyyə 1 sentyabr 2026 rəqəmsal vergi onlayn xidmətlər beynəlxalq rəqəmsal şirkətlər elektron xidmətlər vergi inzibatçılığı rəqəmsal platformalar Netflix ƏDV Anthropic vergi eBay vergi

24.08.2026 12:23