AZAL sərnişinləri təyyarədə bank kartı ilə ödəniş edə biləcəklər

AZAL sərnişinləri təyyarədə bank kartı ilə ödəniş edə biləcəklər

Ekonomdan biznes sinfinə keçidin ödənişi göyərtədə ediləcək

AZAL sərnişinləri təyyarədə bank kartı ilə ödəniş edə biləcəklər

Azərbaycan Hava Yolları və müştərilərin həyat tərzi tərəfdaşı ABB sərnişin təcrübəsinin təkmilləşdirilməsi istiqamətində yeni bir həlli istifadəyə verib. Artıq Azərbaycan Hava Yollarına məxsus təyyarələrin göyərtələrində ABB POS terminalları vasitəsilə əlavə xidmətlərə görə ödəniş etmək mümkündür.

VTB-də minimal faiz dərəcəsi ilə nağd kredit 9.9%-dən

AZAL-ın yaydığı məlumatda bildirilir ki, bu həll sayəsində sərnişinlər uçuş zamanı təqdim olunan əlavə xidmətlərin ödənişini bank kartı ilə ABB POS terminallarında sürətli və təhlükəsiz şəkildə həyata keçirəcəklər.

Yeni xidmət çərçivəsində sərnişinlər mövcudluqdan asılı olaraq, uçuş zamanı ekonom sinifdə daha rahat oturacaq seçimi, həmçinin biznes və ya premium ekonom xidmət sinfinə keçid üçün ödənişi birbaşa təyyarənin göyərtəsində edə bilərlər. Beləliklə, əlavə xidmətlərdən yararlanmaq və onların ödənişi prosesi çevik və əlçatan olur.

Yeni həll Azərbaycan Hava Yollarının sərnişin təcrübəsinin davamlı təkmilləşdirilməsi və rəqəmsal transformasiyanın inkişaf etdirilməsi istiqamətində həyata keçirdiyi tədbirlərin növbəti mərhələsidir. Aviaşirkət səyahətin müxtəlif mərhələlərində rəqəmsal həllərin tətbiqini genişləndirərək sərnişinlər üçün xidmətlərin əlçatanlığını artırmağa və geniş seçim imkanları yaratmağa davam edir.

ABB üçün isə təyyarə göyərtəsində POS terminalla ödəniş imkanının yaradılması həyat tərzi tərəfdaşı olaraq müştərilərə təqdim edilən daha bir yeni imkandır. Bank ümumi yanaşma çərçivəsində müştərilərin müxtəlif ehtiyaclarını vahid ekosistem daxilində qarşılayan rəqəmsal və maliyyə həllərini inkişaf etdirir.

Azərbaycan Hava Yolları və ABB arasında əməkdaşlıq çərçivəsində həyata keçirilən yeni həll sərnişinlərə əlavə xidmətlərdən uçuş zamanı rahat yararlanmaq və ödənişləri birbaşa göyərtədə həyata keçirmək imkanı yaratmaqla müştəri təcrübəsinin daha da təkmilləşdirilməsinə xidmət göstərir.

Azərbaycan Hava Yolları AZAL ABB AZAL və ABB əməkdaşlığı təyyarədə POS-terminal ABB POS-terminalı təyyarədə kartla ödəniş göyərtədə ödəniş AZAL-da yeni xidmət uçuş zamanı ödəniş əlavə aviasiya xidmətləri biznes sinfinə keçid premium ekonom sinfi ekonom sinif xidmət sinfinin yüksəldilməsi rahat oturacaq seçimi təyyarədə oturacaq seçimi sərnişin təcrübəsi rəqəmsal ödənişlər nağdsız ödəniş bank kartı ilə ödəniş aviasiyada rəqəmsal transformasiya AZAL sərnişinləri uçuş xidmətləri təyyarə göyərtəsində xidmət ABB rəqəmsal həlləri sərnişin rahatlığı aviaşirkət xidmətləri Azərbaycanda aviasiya göyərtədə biznes sinfinə keçid

20.08.2026 12:12