“Azərmaş” yeni satış mərkəzini açıb

“Azərmaş” yeni satış mərkəzini açıb

Azərbaycanda avtomobil istehsalı və yığılması sahəsində fəaliyyət göstərən “Azərmaş Group” MMC Bakıda yeni satış mərkəzini istifadəyə verib. Mərkəzin üzərində Jetour və Soueast brendlərinin loqoları vurulub. Jetour və Soueast Çinin "Chery Holding Group" qrupuna daxil olan "qardaş" avtomobil markalarıdır.

Marja.az xəbər verir ki, yeni satış mərkəzi paytaxtın Babək prospekti 21/99 ünvanında fəaliyyətə başlayıb. Artıq mərkəzdə SOUEAST markalı avtomobillərin satışına start verilib.

“Azərmaş Group” MMC JETOUR və SOUEAST avtomobil markasının Azərbaycandakı rəsmi distribütorudur. Şirkət yeni satış mərkəzində markanın müasir dizayn, innovativ texnologiyalar və yüksək komfortla fərqlənən SOUEAST modellərini müştərilərə təqdim edir.

Hazırda SOUEAST S07 modelinin də Azərbaycan bazarında təqdimatına hazırlıq görülür. Şirkətin məlumatına görə, cəlbedici dizaynı, ağıllı texnologiyaları, geniş salonu və komfort göstəriciləri ilə seçilən SOUEAST S07 yaxın zamanda satış mərkəzində nümayiş etdiriləcək.

Yeni mərkəzdə avtomobillərin satışı ilə yanaşı, servis, zəmanət və ehtiyat hissələri üzrə xidmətlərin də göstərilməsi nəzərdə tutulur.

Qeyd edək ki, “Azərmaş Group” MMC Azərbaycanda avtomobillərin sənaye üsulu ilə yığılması və avtomobil sektorunda müxtəlif layihələrin həyata keçirilməsi ilə məşğuldur. Şirkətin SOUEAST markasının rəsmi distribütoru kimi fəaliyyətə başlaması ölkənin avtomobil bazarında yeni modellərin və brendlərin təklifini genişləndirir.

İş elanları AzVak.az-da

Azərmaş Group Azərmaş SOUEAST Azərbaycan JETOUR Azərbaycan SOUEAST satış mərkəzi JETOUR satış mərkəzi Bakıda yeni avtomobil salonu Babək prospekti SOUEAST S07 SOUEAST avtomobilləri JETOUR avtomobilləri Chery Holding Group Çin avtomobilləri avtomobil satışı yeni avtomobil modelləri rəsmi distribütor avtomobil servisi zəmanət xidməti ehtiyat hissələri Azərbaycan avtomobil bazarı avtomobil istehsalı avtomobil yığılması Bakıda avtomobil satışı yeni satış mərkəzi.

07.08.2026 08:25