“Modenis” MMC (eManat) “MPAY” MMC-yə qoşulur

“Modenis” MMC (eManat) “MPAY” MMC-yə qoşulur

“Modenis” MMC (eManat) “MPAY” MMC-yə qoşulur

Ölkənin aparıcı ödəniş təşkilatlarından biri olan “Modenis” MMC-nin fəaliyyətində mühüm dəyişiklik həyata keçirilir.

Marja xəbər verir ki, fintex sektorunda xidmət keyfiyyətini artırmaq və yeni innovativ həllər təqdim etmək məqsədilə “Modenis” MMC (eManat) “MPAY” MMC-yə qoşulur. Şirkətin bütün hüquq və öhdəlikləri “MPAY” MMC-yə ötürülür.

Xidmətlər fasiləsiz davam edir

“MPAY” şirkətindən bildirilib ki, bu qoşulma çərçivəsində müştərilərə təqdim olunan mövcud xidmət və məhsullar olduğu kimi saxlanılır. İstifadəçilər əvvəlki qaydada bütün ödəniş və maliyyə xidmətlərindən fasiləsiz şəkildə yararlanmağa davam edəcəklər.

“eManat” brendi fəaliyyətini qoruyur

Ölkə üzrə minlərlə özünəxidmət nağd ödəniş terminalını əhatə edən “eManat” brendi fəaliyyətini eyni adla davam etdirir. Terminallar vasitəsilə təqdim olunan xidmətlər və istifadəçi interfeysində isə hər hansı bir dəyişiklik nəzərdə tutulmur.

Qeyd edilib ki, bu yenilik “MPAY” MMC-nin rəqəmsal ekosistemini daha da gücləndirərək həm nağd (terminallar vasitəsilə), həm də nağdsız (mobil tətbiq üzərindən) ödənişlərin daha sürətli və vahid sistem üzərindən həyata keçirilməsini təmin edəcək.

Məlumat üçün bildirilib ki, “MPAY” MMC Azərbaycan Respublikası Mərkəzi Bankının 11.07.2024-cü il tarixli EPT-006 nömrəli lisenziyası əsasında fəaliyyət göstərən rəqəmsal ödəniş platformasıdır. Platforma 550-dən çox xidməti vahid məkanda birləşdirərək istifadəçilərə mobil, kommunal, kredit, təhsil və digər ödənişlərini operativ və rahat şəkildə həyata keçirmək imkanı yaradır.

Hər gün yeni vakansiyalar - AzVak.az-da

Həmçinin oxu

Mərkəzi Bank ödəniş təşkilatının lisenziyasını ləğv edib

Modenis MMC eManat MPAY MMC eManat MPAY birləşməsi Modenis MPAY-a qoşulur eManat terminalları ödəniş terminalları özünəxidmət terminalları elektron ödənişlər rəqəmsal ödənişlər nağd ödənişlər nağdsız ödənişlər mobil ödəniş tətbiqi fintex sektoru Azərbaycanın fintex bazarı ödəniş təşkilatları ödəniş ekosistemi vahid ödəniş sistemi maliyyə xidmətləri kommunal ödənişlər kredit ödənişləri mobil ödənişlər Mərkəzi Bank lisenziyası rəqəmsal ödəniş platforması eManat brendi MPAY tətbiqi şirkətlərin birləşməsi hüquq və öhdəliklərin ötürülməsi Azərbaycanda ödəniş sistemləri

05.08.2026 17:04