ABŞ–İran gərginliyinə baxmayaraq, şirkətlər Dubaya axışır

ABŞ–İran gərginliyinə baxmayaraq, şirkətlər Dubaya axışır

Müharibə Dubayı dayandıra bilmədi – şirkətlərin sayı rekord həddə çatdı. Dubayın maliyyə mərkəzində şirkətlərin sayı müharibəyə baxmayaraq artıb və 10 mini ötüb. Aşağı vergilər şirkətləri Dubaya çəkir.

ABŞ–İran gərginliyinə baxmayaraq, şirkətlər Dubaya axışır

Dubay Beynəlxalq Maliyyə Mərkəzi (DIFC) çərşənbə axşamı açıqlayıb ki, ABŞ–İran gərginliyinin davam etməsinə baxmayaraq, iyunun sonunadək olan birillik dövrdə mərkəzdə yeni şirkət qeydiyyatlarının sayı 30% artıb.

Marja xəbər verir ki, regionda davam edən müharibəyə rəğmən, Dubayın maliyyə mərkəzində aktiv qeydiyyatda olan şirkətlərin sayı ilk dəfə 10 mini ötüb. Bu nəticə DIFC-nin qlobal şirkətləri cəlb etməkdə davam edən uğurunu nümayiş etdirib.

VTB-də minimal faiz dərəcəsi ilə nağd kredit 9.9%-dən

DIFC-nin məlumatına görə, son 12 ayda qeydiyyatların sayı 30% artıb və mərkəzdə 2 min 318 yeni şirkət fəaliyyətə başlayıb. Daha əvvəl burada 50 mindən çox şəxsin çalışdığını bildirən mərkəz hazırda 10 min 18 şirkətə ev sahibliyi edir.

DIFC fevral ayında mərkəzdə aktiv qeydiyyatdan keçmiş 8 min 844 şirkətin olduğunu açıqlamışdı. Həmin ayın sonlarında başlayan hərbi qarşıdurma yeni şirkət axınının zəifləyə biləcəyi ilə bağlı narahatlıq yaratsa da, ilin birinci rübündə 775 yeni şirkət fəaliyyətə başlayıb. Bu şirkətlərin üçdə biri müharibənin ən intensiv dövrü hesab edilən mart ayında regionda fəaliyyət göstərməyə başlayıb.

DIFC-nin baş icraçı direktoru Arif Əmiri bildirib:

“Müştəri bazasının genişlənməsi, innovasiya fəaliyyəti və investisiya axınları ilə dəstəklənən maliyyə xidmətləri sektorunun bütün əsas seqmentlərində güclü dinamika müşahidə edirik”.

Aşağı vergi rejimi və biznes qurmağın nisbətən asan olması sayəsində Dubay son illərdə qlobal kapitalın aparıcı mərkəzlərindən birinə çevrilib.

Dünyanın ən böyük hedc fondlarını və investisiya strukturlarını cəlb etmək uğrunda qonşu Əbu-Dabi ilə rəqabət aparan DIFC fond menecerləri üçün daha cəlbedici mərkəzə çevrilmək məqsədilə tənzimləyici bazanın nəzərdən keçirilməsi də daxil olmaqla müxtəlif imkanlar üzərində işləyir.

İş elanları AzVak.az-da

Dubay Beynəlxalq Maliyyə Mərkəzi DIFC Dubay maliyyə mərkəzi Dubay iqtisadiyyatı Dubayda şirkətlər Dubayda biznes yeni şirkət qeydiyyatları aktiv qeydiyyatdan keçmiş şirkətlər xarici şirkətlər qlobal şirkətlər beynəlxalq maliyyə mərkəzi qlobal kapital investisiya axınları xarici investisiyalar maliyyə xidmətləri sektoru Dubayda investisiya Birləşmiş Ərəb Əmirlikləri BƏƏ iqtisadiyyatı ABŞ–İran gərginliyi Yaxın Şərqdə müharibə regional iqtisadi risklər aşağı vergi rejimi biznes qurmaq hedc fondları fond menecerləri investisiya şirkətləri maliyyə tənzimlənməsi Dubay və Əbu-Dabi rəqabəti qlobal maliyyə şirkətləri Dubayda şirkət açmaq beynəlxalq investorlar maliyyə innovasiyaları biznes mühiti qlobal investisiya mərkəzi

28.07.2026 13:09