“Digital Home” elektronika və məişət texnikası mağazalar şəbəkəsi regionlarda genişlənməsini davam etdirir. Marja xəbər verir ki, şirkət 18 iyul tarixində İmişli şəhərində yeni filialının rəsmi açılışını həyata keçirəcək.

Açılış mərasimi saat 11:00-da İmişli şəhəri, Nəcməddin Savalanov küçəsi 273 ünvanında (Mədəniyyət Sarayının yanı) baş tutacaq. Şirkət bu münasibətlə müştərilər üçün geniş endirim kampaniyası, hədiyyələr və xüsusi alış-veriş imkanları hazırlayıb.

Açılış gününə özəl kampaniya

“Digital Home”un məlumatına görə, açılış günü ərzində alıcılar bir sıra xüsusi üstünlüklərdən yararlana biləcəklər.

Kampaniya çərçivəsində:

- 75%-dək endirimlər tətbiq olunacaq;

- Açılışa qatılan ziyarətçilər müxtəlif hədiyyələr qazanmaq şansı əldə edəcəklər;

- Alış-veriş edən müştərilər Plinko oyununda iştirak edərək əlavə mükafatlar qazana biləcəklər;

- Tədbir musiqili şou proqramı ilə müşayiət olunacaq.

- Faizsiz və ilkin ödənişsiz alış-veriş imkanı

Açılış kampaniyası çərçivəsində maliyyələşdirmə şərtləri də müştərilər üçün daha əlverişli olacaq. Belə ki, televizor, smartfon və planşetlər 18 aya qədər faizsiz və ilkin ödənişsiz hissəli ödənişlə təqdim ediləcək. Məişət texnikası məhsullarını isə 30 aya qədər faizsiz və ilkin ödənişsiz hissəli ödəniş şərtləri ilə əldə etmək mümkün olacaq.

Regionlarda satış şəbəkəsi böyüyür

İmişli filialının istifadəyə verilməsi “Digital Home”un regionlarda xidmət şəbəkəsinin genişləndirilməsi strategiyasının növbəti mərhələsidir. Şirkətin artıq Şəki, Ağdaş, Ucar, İsmayıllı, Sabirabad, Şirvan, Ağsu və Şəmkir şəhərlərində fəaliyyət göstərən filialları mövcuddur. Yeni İmişli filialının açılması ilə bölgə sakinlərinin elektronika və məişət texnikası məhsullarına daha rahat çıxışı təmin ediləcək, həmçinin müştərilərə yerində satış və xidmət imkanları genişlənəcək.

Yeni filialın açılması “Digital Home”un region bazarında mövqeyini daha da gücləndirməyə yönəlmiş addım kimi qiymətləndirilə bilər. Açılışın yüksək endirimlər, hədiyyə kampaniyaları və uzunmüddətli faizsiz hissəli ödəniş imkanları ilə müşayiət olunması həm ilk gün satışlarını artırmağa, həm də yeni müştəri bazasının formalaşdırılmasına xidmət edir.

Son illərdə elektronika pərakəndə satış bazarında rəqabətin gücləndiyi şəraitdə regionlarda fiziki mağaza şəbəkəsinin genişləndirilməsi müştərilərə daha yaxın olmaq və bazar payını artırmaq baxımından mühüm strateji üstünlük hesab olunur.

İş elanları AzVak.az-da