TuranBank beynəlxalq fondlardan yerli valyutada vəsait cəlb edib

TuranBank beynəlxalq fondlardan yerli valyutada vəsait cəlb edib

TuranBank beynəlxalq fondlardan yerli valyutada vəsait cəlb edib

Kiçik və orta biznesin maliyyələşdirilməsi sahəsində Azərbaycanın aparıcı banklarından biri olan TuranBank ASC Belçikanın nüfuzlu Incofin İnvestisiya Fondu tərəfindən idarə edilən fondlarla yeni kredit müqavilələri imzalayıb.

Bu barədə Marja.az-a TuranBank-dan bildirilib.

Müqavilələrə əsasən, Bank 3 il müddətinə "Incofin Climate-Smart Microfinance Fund" (CSMF) fondundan 1.25 milyon ABŞ dolları, "Incofin Microfinance Fund" (IMFI) fondundan isə 2 milyon avro ekvivalentində yerli valyutada maliyyə vəsaiti cəlb edib. Bu vəsaitlər kiçik və orta biznesin, xüsusilə ekoloji cəhətdən dayanıqlı layihələrin maliyyələşdirilməsinə yönəldiləcək. Bu addım regionlarda fəaliyyət göstərən sahibkarların yerli valyutada maliyyə resurslarına çıxışını daha da genişləndirəcək və onları məzənnə risklərindən qoruyacaq.

Qeyd edək ki, sözügedən investisiya TuranBank-ın ölkəmizin dayanıqlı iqtisadi inkişaf strategiyasına dəstək istiqamətində atdığı növbəti uğurlu addımıdır.

Incofin İnvestisiya Fondu haqqında:

Incofin İnvestisiya Fondu inklüziv maliyyə, dayanıqlı qida və təmiz su sahələrində fəaliyyət göstərən müəssisələri dəstəkləyən aparıcı təsir investisiya fondunun meneceridir. 1 milyard ABŞ dollarından çox idarə olunan aktivlərə malik olan Incofin, Belçika, Kolumbiya, Keniya və Hindistanda fəaliyyət göstərən 90-dan çox peşəkardan ibarət təcrübəli komandaya sahibdir. Yarandığı gündən etibarən Incofin 5 milyard ABŞ dollarından artıq həcmdə borc və kapital investisiyaları həyata keçirərək 50-dən çox inkişaf etməkdə olan və sərhəd bazarında sahibkarların inkişafını dəstəkləyib. Maliyyə təcrübəsini ölçülə bilən sosial və ekoloji təsirlə birləşdirən Incofin, ən çox ehtiyac duyulan regionlarda dayanıqlı iqtisadi inkişafın təşviqinə və uzunmüddətli müsbət təsirin yaradılmasına töhfə verir.

Daha ətraflı məlumat üçün: www.incofin.com

TuranBank ASC haqqında:

TuranBank 1992-ci ildə təsis edilib və Azərbaycanın ən etibarlı maliyyə institutlarından biri kimi fəaliyyət göstərir. Bank öz müştərilərinə beynəlxalq standartlara uyğun geniş çeşiddə maliyyə xidmətləri təqdim edir. Hazırda ölkə üzrə 22 xidmət məntəqəsi ilə fəaliyyət göstərən TuranBank 34 illik fəaliyyəti ərzində dayanıqlı inkişaf nümayiş etdirib, şəffaflıq, etibarlılıq və sosial məsuliyyət prinsiplərinə sadiqliyi ilə seçilib.

Daha ətraflı məlumat üçün: www.turanbank.az

TuranBank TuranBank ASC Incofin İnvestisiya Fondu Incofin TuranBank Incofin əməkdaşlığı yeni kredit müqaviləsi beynəlxalq maliyyələşmə kiçik və orta biznes KOB maliyyələşdirilməsi sahibkarlara kredit region sahibkarları yerli valyutada kredit məzənnə riskindən qorunma dayanıqlı maliyyələşmə yaşıl maliyyə ekoloji layihələr dayanıqlı layihələr iqlim yönümlü maliyyələşmə Climate-Smart Microfinance Fund CSMF fondu Incofin Microfinance Fund IMFI fondu 1.25 milyon dollar 2 milyon avro 3 illik kredit müqaviləsi xarici maliyyə resursları təsir investisiyası inklüziv maliyyə dayanıqlı iqtisadi inkişaf Azərbaycan bank sektoru bank xəbərləri Azərbaycan sahibkarları KOB kreditləri mikromaliyyələşmə regional biznesin inkişafı TuranBank kreditləri TuranBank beynəlxalq əməkdaşlıq Belçika investisiya fondu sosial və ekoloji təsir təmiz su layihələri dayanıqlı qida yaşıl iqtisadiyyat Azərbaycan iqtisadiyyatı Marja.az

14.07.2026 11:18