Qeyri-neft ixracından 1,8 milyard dollar gəlir – ən böyük artım bu məhsullardadır

Qeyri-neft ixracından 1,8 milyard dollar gəlir – ən böyük artım bu məhsullardadır

Azərbaycanın qeyri-neft sektoru üzrə ixracı 17% artıb - 6 ayda 1,8 milyard dollarlıq ixrac

Qeyri-neft ixracından 1,8 milyard dollar gəlir – ən böyük artım bu məhsullardadır

İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın 2026-cı ilin iyul sayına dair ilkin göstəriciləri təqdim edib.

Marja xəbər verir ki, icmala əsasən, 2026-cı ilin yanvar-iyun aylarında Azərbaycanın qeyri-neft sektoru üzrə ixracı (qeyri-monetar qızıl istisna olmaqla) 2025-ci ilin müvafiq dövrü ilə müqayisədə 16,9% artaraq 1,8 milyard ABŞ dolları təşkil edib.

VTB-də minimal faiz dərəcəsi ilə nağd kredit 9.9%-dən

Cari ilin iyun ayında Azərbaycanın qeyri-neft sektoru üzrə ixracı (qeyri-monetar qızıl istisna olmaqla) ötən ilin eyni dövrü ilə müqayisədə 18,2 faiz artaraq 381,9 milyon ABŞ dolları təşkil edib.

Ümumilikdə bu dövr ərzində yeyinti məhsulları üzrə ixrac 19,4 faiz artaraq 175,3 milyon ABŞ dollarına, qeyri-yeyinti məhsullarının ixracı (qeyri-monetar qızıl istisna olmaqla) isə 17,3 faiz artaraq 206,5 milyon ABŞ dollarına bərabər olub.

Cari ilin yanvar-iyun aylarında ixrac olunan şəkər ötən ilin müvafiq dövrünə nəzərən 3,4 dəfə, pambıq iplik 2,1 dəfə, bitki və heyvan mənşəli piylər və yağlar 50%, alüminium və ondan hazırlanan məmulatlar 40,1%, qara metallar və onlardan hazırlanan məmulatlar 30,1%, pambıq lifi 26,3%, meyvə-tərəvəz 18,9%, çay 19,4%, spirtli və spirtsiz içkilər isə 2,9% artıb.

2026-cı ilin yanvar-iyun aylarında aqrar məhsullar üzrə ixrac 23,9% artaraq 563,9 milyon ABŞ dolları, aqrar-sənaye məhsulları üzrə ixrac 35,3% artaraq 195,9 milyon ABŞ dolları təşkil edib. Bütövlükdə aqrar və aqrar-sənaye məhsullarının birgə ixracı 26,6% artaraq 759,8 milyon ABŞ dollarına bərabər olub.

İş elanları AzVak.az-da

Azərbaycan qeyri-neft ixracı qeyri-neft sektoru ixrac göstəriciləri İxrac icmalı İİTKM Azərbaycanın ixracı 1 8 milyard dollar ixrac qeyri-neft ixracında artım aqrar məhsulların ixracı aqrar-sənaye məhsulları kənd təsərrüfatı ixracı şəkər ixracı pambıq iplik ixracı pambıq lifi ixracı meyvə-tərəvəz ixracı çay ixracı alüminium ixracı qara metal ixracı yeyinti məhsullarının ixracı qeyri-yeyinti məhsullarının ixracı Azərbaycan iqtisadiyyatı 2026-cı ilin ixrac göstəriciləri ixrac gəlirləri xarici ticarət Azərbaycan məhsulları

13.07.2026 10:35