“Qaradağ Şüşə Zavodu” özəlləşdirilib - ZAVODU ALAN ŞİRKƏTİN ADI AÇIQLANDI

“Qaradağ Şüşə Zavodu” özəlləşdirilib - ZAVODU ALAN ŞİRKƏTİN ADI AÇIQLANDI

“Nort Vest Konstrakşn” Məhdud Məsuliyyətli Cəmiyyəti investisiya müsabiqəsinin qalibi elan edilib. Şirkət dövlət büdcəsinə 20 milyon manat vəsait köçürməli və müəssisədə 16,4 milyon manat həcmində İnvestisiya Proqramı icra etməlidir.

“Qaradağ Şüşə Zavodu” özəlləşdirilib - ZAVODU ALAN ŞİRKƏTİN ADI AÇIQLANDI

İqtisadiyyat Nazirliyi yanında Əmlak Məsələləri Dövlət Xidməti tərəfindən “Qaradağ Şüşə Zavodu” ASC-nin dövlətə məxsus səhmlərinin satışı üzrə keçirilmiş investisiya müsabiqəsinin nəticələrinə əsasən, qalib investorla 23 iyun 2026-cı il tarixində alqı-satqı müqaviləsi imzalanıb.

Marja.az xəbər verir ki, müqaviləyə əsasən, investor dövlət büdcəsinə 20 milyon manat vəsait köçürməli və müəssisədə 16,4 milyon manat həcmində İnvestisiya Proqramı icra etməlidir.

Əmlak Məsələləri Dövlət Xidməti dövlət müəssisələrinin sağlamlaşdırılması və özəlləşdirilməsi istiqamətində tədbirləri davam etdirir. Bu istiqamətdə investisiya müsabiqələri dövlət əmlakına sərmayənin cəlb olunması, istehsal potensialının bərpası, müasir texnologiyaların tətbiqi və yeni iş yerlərinin yaradılması baxımından mühüm mexanizmlərdən biri hesab olunur.

“Qaradağ Şüşə Zavodu” ASC-nin dövlətə məxsus səhmlərinin satışı ilə bağlı elan edilmiş investisiya müsabiqəsinə bu ilin 19 may tarixində yekun vurulub. Həmin tarixdə müsabiqə komissiyası tərəfindən iddiaçıların təklif zərfləri açılıb, təqdim olunmuş təkliflər qiymətləndirilib və daha əlverişli şərtlər təklif edən “Nort Vest Konstrakşn” Məhdud Məsuliyyətli Cəmiyyəti (North West Construction) investisiya müsabiqəsinin qalibi elan edilib. Müsabiqə qalibi İnvestisiya Proqramı çərçivəsində şüşəəritmə sobasının və şüşə istehsalı avadanlıqlarının, eləcə də sexlərin əsaslı təmiri və yenidən qurulması, yeni istehsal xətlərinin, şüşəformalaşdırma avadanlıqlarının alınaraq quraşdırılması, həmçinin elektrik enerjisi, qaz təchizatı, su və kanalizasiya sistemləri üzrə infrastruktur təminatının yaxşılaşdırılması kimi öhdəlikləri həyata keçirməlidir.

“Nort Vest Konstrakşn” MMC tərəfindən investisiya qoyuluşu nəticəsində müəssisədə 200 yeni iş yerinin yaradılması planlaşdırılır.

Qeyd edək ki, dövlət müəssisələrinin investisiya müsabiqələri əsasında özəlləşdirilməsi iqtisadi aktivlərin dövriyyəyə qaytarılmasına, istehsalın yenilənməsinə və sahibkarlıq subyektlərinin sənaye sahələrinə daha fəal cəlb olunmasına xidmət edir.

İş elanları AzVak.az-da

Qaradağ Şüşə Zavodu Qaradağ Şüşə Zavodunun özəlləşdirilməsi Əmlak Məsələləri Dövlət Xidməti İqtisadiyyat Nazirliyi investisiya müsabiqəsi Nort Vest Konstrakşn Nort Vest Konstrakşn MMC dövlət səhmlərinin satışı alqı-satqı müqaviləsi 23 iyun 2026 19 may 2026 20 milyon manat 16 4 milyon manat investisiya 36 4 milyon manatlıq öhdəlik İnvestisiya Proqramı 200 yeni iş yeri şüşə zavodu şüşə istehsalı şüşəəritmə sobası şüşə istehsalı avadanlıqları şüşəformalaşdırma avadanlıqları yeni istehsal xətləri zavodun yenidən qurulması əsaslı təmir sənaye investisiyası dövlət əmlakının özəlləşdirilməsi dövlət müəssisələrinin sağlamlaşdırılması istehsal potensialının bərpası müasir texnologiyalar sənaye müəssisəsi istehsalın modernləşdirilməsi elektrik enerjisi infrastrukturu qaz təchizatı su və kanalizasiya sistemləri infrastrukturun yaxşılaşdırılması dövlət büdcəsinə ödəniş özəl investor

10.07.2026 16:39