Qəhvə qiymətləri "El Nino" narahatlığı fonunda kəskin bahalaşıb

Qəhvə qiymətləri "El Nino" narahatlığı fonunda kəskin bahalaşıb

Arabica qəhvəsi üzrə fyuçers müqavilələri Braziliyada əlverişsiz hava şəraiti və qısamüddətli təklifin daralması səbəbindən kəskin bahalaşıb. Nyu-Yorkda qiymətlər 18,5 faizə qədər artaraq yanvar ayından bəri ən yüksək səviyyəyə yüksəlib.

Qəhvə qiymətləri "El Nino" narahatlığı fonunda kəskin bahalaşıb

Qlobal qəhvə bazarında El Nino ilə bağlı hava riskləri yenidən qiymətlərə təsir göstərməyə başlayıb.

Marja xəbər verir ki, Dünyanın ən böyük qəhvə istehsalçısı olan Braziliyada əlverişsiz hava şəraitinin məhsul yığımının tempini zəiflətməsi və qısamüddətli təklifin məhdud qalmaqda davam etməsi Arabica qəhvəsində kəskin bahalaşmaya səbəb olub.

Nyu-Yorkda ticarət olunan Arabica qəhvəsi üzrə fyuçers müqavilələri bazar ertəsi gün ərzində 18,5 faizə qədər bahalaşaraq 3,57 dollar səviyyəsinə çatıb.Bununla da qiymətlər yanvar ayından bu yana ən yüksək həddə yüksəlib, müqavilələrdə isə 2000-ci ilin iyulundan bəri ən kəskin gün içi artım qeydə alınıb.

Bazarda əsas diqqətçəkən məqam ondan ibarətdir ki, Braziliyada əvvəlcə güclü məhsul gözləntisi ön plana çıxsa da, hava şəraiti sahədəki mənzərəni dəyişib. Əlverişsiz hava bu il məhsul yığımının sürətini zəiflədib, istehsalçıların isə daha yüksək qiymət gözləntisi ilə satışa tələsməməsi bazardakı gərginliyi artırıb.

Qəhvə qiymətlərindəki artımı dəstəkləyən digər amil ehtiyatların azalmasıdır. Birja nəzarətindəki anbarlarda saxlanılan Arabica ehtiyatları 2 iyul tarixinə ardıcıl 9 ticarət günü ərzində azalıb və 2024-cü ilin martından bəri ən aşağı səviyyəyə enib.

İyulun ortalarında Braziliyanın geniş bir hissəsində yağıntılar gözlənilir və bu, qəhvə də daxil olmaqla bəzi məhsullar üçün mənfi təsir göstərə bilər. Bu vəziyyət həftədən-həftəyə güclənən El Nino ilə birbaşa bağlıdır.

İş elanları AzVak.az-da

07.07.2026 09:56