Azərbaycanda premium hədiyyə bazarı son illərdə yeni inkişaf mərhələsinə qədəm qoyub. İnsanlar artıq hədiyyə seçərkən təkcə məhsulun özünə deyil, onun təqdimatına, estetik görünüşünə və yaratdığı təəssürata da xüsusi önəm verirlər. Məhz bu yanaşmadan çıxış edərək yaradılan "Anjeer" brendi qısa müddətdə fərdi və korporativ müştərilərin diqqətini cəlb etməyi bacarıb. Brendin həmtəsisçiləri Məhərrəm Məhərrəmov və Rəvan Abduləli Marja.az-a müsahibələrində yaranma hekayəsindən, biznes baxışlarından və gələcək planlarından danışıblar.

– İlk olaraq, "Anjeer" necə yarandı?

Məhərrəm Məhərrəmov: Uzun müddət müxtəlif sahələrdə çalışmışıq və müştəri məmnuniyyətinin nə qədər vacib olduğunu yaxından görmüşük. Bir gün düşündük ki, niyə insanlar hədiyyə seçərkən keyfiyyət, zövq və təqdimatı bir arada tapa bilməsin?! Beləcə "Anjeer" ideyası yarandı. Məqsədimiz insanların rahatlıqla etibar edə biləcəyi premium hədiyyə brendi yaratmaq idi.

– “Anjeer” adını seçməyinizin xüsusi səbəbi varmı?

Rəvan Abduləli: Bəli. Əncir qədimdən bolluğun, bərəkətin və qonaqpərvərliyin rəmzi hesab olunur. Biz də istəyirdik ki, brendimizin adı bu dəyərləri əks etdirsin. “Anjeer” həm yadda qalan, həm də beynəlxalq səviyyədə asan tələffüz olunan addır.

– Bu gün "Anjeer" nə təklif edir?

Məhərrəm Məhərrəmov: Biz premium quru meyvələr, çərəzlər, şokoladlar və digər seçilmiş məhsullardan ibarət estetik hədiyyə qutuları hazırlayırıq. Həm fərdi müştərilər, həm də şirkətlər üçün müxtəlif konseptlər təqdim edirik. Hər sifarişə fərdi yanaşırıq və çalışırıq ki, təqdim etdiyimiz hədiyyə uzun müddət xoş təəssürat yaratsın.

– Korporativ müştərilər sizin üçün nə qədər önəmlidir?

Rəvan Abduləli: Çox önəmlidir. Bu gün şirkətlər hədiyyəni öz korporativ mədəniyyətlərinin bir hissəsi kimi görürlər. Biz onların loqolarına, rənglərinə, tədbirlərinə və büdcələrinə uyğun fərdi həllər təqdim edirik. Hədəfimiz sadəcə qutu hazırlamaq deyil, şirkətin dəyərlərini əks etdirən hədiyyə yaratmaqdır.

– Bazarda sizi fərqləndirən nədir?

Məhərrəm Məhərrəmov: Biz hesab edirik ki, premium anlayışı yalnız məhsulla ölçülmür. Müştəri ilə ilk ünsiyyətdən sifarişin təhvil verilməsinə qədər hər mərhələ eyni səviyyədə peşəkar olmalıdır. Detallara verdiyimiz diqqət və xidmət mədəniyyətimiz bizi fərqləndirən əsas xüsusiyyətlərdəndir.

– "Anjeer" qısa müddətdə tanınmağa başladı. Bunun sirri nədir?

Rəvan Abduləli: Hazır resept yoxdur. Biz sadəcə hər gün əvvəlki gündən daha yaxşı olmağa çalışırıq. Müştərilərimizi dinləyirik, onların rəylərini nəzərə alırıq və daim yenilənirik. Ən böyük reklamımız isə bizi başqalarına tövsiyə edən məmnun müştərilərdir.

– Sizcə, Azərbaycanda yerli brendlərin inkişafı üçün hansı imkanlar var?

Məhərrəm Məhərrəmov: Mən hesab edirəm ki, son illərdə insanlar yerli brendlərə daha çox inanmağa başlayıblar. Əgər keyfiyyətə və xidmətə ciddi yanaşırsansa, bazarda öz yerini tuta bilərsən. Əsas məsələ qısamüddətli qazancı deyil, uzunmüddətli etibarı düşünməkdir.

– Qarşıdakı illər üçün əsas məqsədiniz nədir?

Rəvan Abduləli: Məqsədimiz "Anjeer"i Azərbaycanın premium hədiyyə sahəsində tanınan və etibar edilən brendlərdən birinə çevirməkdir. Gələcəkdə müxtəlif şəhərlərdə fəaliyyətimizi genişləndirmək, korporativ layihələrin sayını artırmaq və Azərbaycan brendini xarici bazarlarda da tanıtmaq istəyirik.

– Sahibkar olmaq istəyən gənclərə nə demək istərdiniz?

Məhərrəm Məhərrəmov: İdeya vacibdir, amma ideyanı həyata keçirmək daha vacibdir. Riskdən qorxmamaq, daim öyrənmək və verilən sözə sadiq qalmaq uğurun əsas şərtlərindəndir. Güclü brend reklamla deyil, insanların etibarı ilə formalaşır.

– Son olaraq, "Anjeer" üçün uğurun tərifi nədir?

Rəvan: Bizim üçün uğur təkcə satış rəqəmləri deyil. Uğur odur ki, müştəri yenidən bizi seçsin, "Anjeer"i yaxınlarına tövsiyə etsin və bu adı keyfiyyət, zövq və etibarla əlaqələndirsin. Biz məhz bunun üzərində işləyirik.

Anjeer 1-st Store:

Ünvan: Bakı, Xan Şuşinski 90 

Telefon: +994 (50) 204 01 51

İş vaxtları: 09:00 - 21:00

Anjeer Crescent Store

Ünvan: Crescent Mall, mərtəbə B1 

Telefonlar: +994 (50) 204 34 46

İş vaxtları: 10:00 - 22:00

Anjeer Boutique Store

Ünvan: Bakı, Azadlıq pr, 163D

Telefonlar: +994 (50) 204 01 57

İş vaxtları: 09:00 - 21:00