"Bank olmaq istəməyən fintex, fintex deyil"

"Bank olmaq istəməyən fintex, fintex deyil"

"Bank olmaq istəməyən fintex, fintex deyil"

Bank olmaq istəməyən fintex, fintex deyil.

Bunu "Azərbaycan Fintex Assosiasiyası" ("AzFina") İctimai Birliyinin İdarə Heyətinin sədrinin müavini Eynar Abdullayev Bakıda keçirilən "Azərbaycanın rəqəmsal maliyyə gündəliyi" mövzusunda tədbirdə bildirib.

Onun sözlərinə görə, əslində, fintex dünyasında belə bir deyim var: "Bank olmaq istəməyən və ya bankları əvəz etməyi hədəfləməyən fintex, fintex deyil". Təbii ki, bu sahədə fəaliyyət göstərən hər bir şirkətin öz ambisiyaları və gələcək planları var. Lakin hazırda banklar təkcə Azərbaycanda deyil, bütün dünyada maliyyə ekosisteminin əvəzolunmaz iştirakçılarıdır. Bankların müxtəlif fəaliyyət istiqamətləri mövcuddur – istehlakçılarla çalışan banklar, biznes müştərilərinə xidmət göstərən banklar və s".

O bildirib ki, fintexlər bankları əvəz etmək və ya onları sıradan çıxarmaq üçün yaradılmayıb: "Əksinə, onlar bank xidmətlərini daha sadə, daha sürətli və müəyyən sahələr üzrə daha ixtisaslaşmış formada təqdim edən iştirakçılardır. Fintexlər daha çox konkret seqmentlərə yönəlir. Unutmaq olmaz ki, bankların depozit cəlb etmək hüququ var və bu, onların üzərində ciddi tənzimləmə və nəzarət mexanizmləri yaradır. Çünki banklar vətəndaşların vəsaitlərini idarə edir və istifadə edir".

E. Abdullayev qeyd edib ki, fintexlər isə daha çevik və sadələşdirilmiş qaydalar çərçivəsində fəaliyyət göstərir: "Bu, onlara rəqəmsallaşma prosesində daha sürətli qərarlar qəbul etməyə, bazarın ehtiyac duyduğu kiçik, lakin vacib yenilikləri operativ şəkildə tətbiq etməyə imkan verir. Bu baxımdan bank tərəfdaşlarımıza mesajımız ondan ibarətdir ki, fintexlərin bankları əvəz etmək kimi bir planı yoxdur və yaxın gələcəkdə də belə bir ssenarini gözləmirik".

İş elanları AzVak.az-da

fintex fintech Azərbaycan fintex bazarı Azərbaycan Fintex Assosiasiyası AzFina Eynar Abdullayev rəqəmsal maliyyə gündəliyi Azərbaycanın rəqəmsal maliyyə gündəliyi bank olmaq istəməyən fintex fintex və banklar bankları əvəz edən fintexlər bank xidmətləri rəqəmsal maliyyə xidmətləri maliyyə ekosistemi bank ekosistemi fintex ekosistemi rəqəmsallaşma maliyyə texnologiyaları bank tərəfdaşlığı fintex-bank əməkdaşlığı fintex şirkətləri bankların gələcəyi bankların rolu maliyyə bazarı istehlakçı bankçılığı biznes bankçılığı depozit cəlb etmək hüququ bank tənzimlənməsi maliyyə nəzarəti çevik maliyyə həlləri sadələşdirilmiş maliyyə xidmətləri innovativ maliyyə həlləri rəqəmsal bankçılıq fintexlərin inkişafı bank sektorunda rəqabət maliyyə innovasiyaları Azərbaycanda fintexlər fintex xəbərləri bank xəbərləri Marja maliyyə xəbərləri

29.06.2026 11:20