SpaceX-in səhmləri bazar ertəsi 16 faiz ucuzlaşıb

SpaceX-in səhmləri bazar ertəsi 16 faiz ucuzlaşıb

SpaceX-in birja debütündən sonra açıq bazarda səhmlərini alan orta statistik investor ucuzlaşma səbəbindən əldə etdiyi gəlirin demək olar ki, hamısını itirib.

SpaceX-in səhmləri bazar ertəsi 16 faiz ucuzlaşıb

SpaceX-in səhmləri bazar ertəsi 16 faiz ucuzlaşıb. Bununla da şirkətin rekord göstəricilərlə baş tutan ilkin kütləvi təklifindən (IPO) sonra müşahidə olunan ilkin bahalaşmanın ardınca son üç tam ticarət günü ərzində davam edən satış dalğası daha da dərinləşib.

Marja xəbər verir ki, İlon Maskın kosmos və süni intellekt sahəsində fəaliyyət göstərən şirkəti iyunun 12-də baş tutan iri həcmli birja debütündən sonra dünyanın ən dəyərli şirkətlərindən birinə çevrilib. Həmçinin irihəcmli IPO Maskı dünyanın ilk trilyonçusuna çevirib.

VTB-də minimal faiz dərəcəsi ilə nağd kredit 9.9%-dən

Şirkət səhmlərini hər birini 135 dollardan təklif etmişdi. SpaceX səhmləri ticarətə hər səhm üçün 150 dollar qiymətlə başlamışdı. 16 mayda şirkətin birjada səhminin qiyməti 201,80 dollaradək yüksəlmişdi. Hazırda SpaceX səhminin qiyməti 156.80 dollardan ticarət olunur.

İlk ticarət günlərindı SpaceX-in səhmləri kəskin bahalaşmış, şirkətin bazar kapitallaşması Amazon-u və qısa müddətə Microsoft-u geridə qoymuşdu. Lakin sonradan kapitallaşma yenidən hər iki şirkətin səviyyəsindən aşağı düşüb.

Optimist investorlar Maskın SpaceX-də uzunmüddətli gəlirlilik yaratmaq potensialına böyük ümid bəsləyirlər. Şirkət 2025-ci ildə 4,9 milyard dollar xalis zərər açıqlayıb, bu ilin birinci rübündə isə 4,28 milyard dollar zərər edib.

Lakin SpaceX-in birja debütündən sonra açıq bazarda səhmlərini alan orta statistik investor ucuzlaşma səbəbindən əldə etdiyi gəlirin demək olar ki, hamısını itirib.

Səhmlər ötən həftə çərşənbə və cümə axşamı müvafiq olaraq 5 faiz və 3,6 faiz ucuzlaşıb. Cümə günü isə ABŞ-da Juneteenth bayramı ilə əlaqədar ticarət keçirilməyib. Bazar ertəsi daxil son üç ticarət günü ərzində SpaceX səhmləri ümumilikdə təxminən 24 faiz dəyər itirib.

İş elanları AzVak.az-da

23.06.2026 08:27