İki yeni fabrik istifadəyə veriləcək

Mingəçevir Sənaye Parkının yaradılması müasir texnologiyalara əsaslanan rəqabətqabiliyyətli sənaye müəssisələrinin təşkilinə, əhalinin istehsal sahəsində məşğulluğunun artırılmasına hesablanıb. Bir müddət öncə sənaye parkında tikintisinə başlanılan “İplik-1” və “İplik-2” müəssisələrində Almaniya, İsveçrə, Yaponiya və Türkiyə texnologiyaları quraşdırılacaq, ilkin mərhələdə ildə 20 min ton iplik istehsal ediləcək. Bu müəssisələrdə 550 nəfərin işlə təmin olunacağı planlaşdırılır. Ümumiyyətlə isə parkda birinci mərhələdə 2 min, sonra 5500-dən çox yeni iş yerinin açılması nəzərdə tutulub.
Hədəf yalnız yeni iş yerlərinin açılması deyil, həm də yüngül sənaye sahəsində idxaldan asılılığın azaldılması, ixrac potensialının artırılması, milli tekstil brendlərin yaradılmasıdır. Mingəçevir şəhəri isə bu sahədə zəngin ənənəyə və kadr potensialına malikdir.
Layihə rəhbəri İsrail Asaliyev bildirib ki, şəhərdə işsizliyin aradan qaldırılmasında, əhalinin məşğulluğunun təminatında sənaye parkının çox böyük rolu olacaq. Eyni zamanda, bu park Mingəçevir Dövlət Universitetinin tələbələrinin təcrübə keçməsi üçün baza rolunu oynayacaq.
May ayında Mingəçevir Sənaye Parkına daxil olan 9 müəssisədən ikisinin tikintisinə başlanılıb. Son dörd ayda müasir texnologiya əsasında aparılan inşaat işləri hazırda sürətlə davam etdirilir. Əsas istehsal sahələri ilə yanaşı, köməkçi qurğu və avadanlıqların quraşdırılması və inşası da diqqət mərkəzində saxlanılır. “İplik-1” və “İplik-2” fabriklərinin istehsal sahələrində pambıq mahlıc şəklində qəbul olunub ipə çevriləcək. Həmçinin corab və kosmetika müəssisələri də tikiləcək.
Layihə rəhbəri qeyd edib ki, “İplik-1” və “İplik-2” fabriklərinin hər birinin illik istehsal gücü 10 min ton olacaq. Birinci iplik fabrikinin bir hissəsində artıq tikinti işləri yekunlaşıb və havalandırma, elektrik, təhlükəsizlik sistemləri, digər kommunikasiyalar qurulur. İkinci iplik fabrikində isə metal-konstruksiya işləri davam edir. Hər iki fabrikin bu ilin sonuna kimi istifadəyə verilməsi nəzərdə tutulub.
Qeyd edək ki, Prezident İlham Əliyevin Sərəncamına əsasən yaradılan Mingəçevir Sənaye Parkında inşaat işlərinə 60 milyon manatdan artıq, avadanlıq və dəzgahların alınmasına 150 milyon dollardan çox investisiya qoyuluşu nəzərdə tutulub.
© Azərtac
Müştərilərin xəbərləri
SON XƏBƏRLƏR
- 8 saat əvvəl
-
8 saat əvvəl
Banklardakı hər 3 manat əmanətin 1 manatı dollarda yerləşdirilib
- 8 saat əvvəl
-
-
9 saat əvvəl
Əməkhaqqı və təqaüdləri istənilən bankdan almaq mümkün olacaq
- 9 saat əvvəl
- 9 saat əvvəl
- 9 saat əvvəl
- 9 saat əvvəl
-
10 saat əvvəl
PAŞA Holding-in təşkilatçılığı ilə Future Shapers proqramının açılış tədbiri keçirilib
- 10 saat əvvəl
-
10 saat əvvəl
Əliyev: Biz nəqliyyat imkanlarımızı və infrastrukturumuzu genişləndiririk
-
10 saat əvvəl
Pezeşkian: Bir çox məsələlərdə bir-birimizin təcrübəsini öyrənə bilərik
Son Xəbərlər

"Azərbaycan xalqının Qarabağda və Azərbaycanın sahib çıxmalı olduğu digər ərazilər üzərindəki hüququnu tanıyırıq"

Banklardakı hər 3 manat əmanətin 1 manatı dollarda yerləşdirilib

İqtisadiyyat Nazirliyi ABŞ şirkətilə anlaşdı

Əməkhaqqı və təqaüdləri istənilən bankdan almaq mümkün olacaq

"Məramımız, məqsədimiz birdir" - MƏTBUATA BƏYANATLAR

"Əsas ideya qənaətcil istehsalatın qurulmasıdır" - MÜSAHİBƏ

PAŞA Holding-in təşkilatçılığı ilə Future Shapers proqramının açılış tədbiri keçirilib
Ən çox oxunanlar

TuranBank ağacəkmə aksiyasında iştirak edib

Azərbaycanda dövriyyədə olan ödəniş kartlarının sayı və nağdsız əməliyyatların həcmi kəskin artıb

Əliyev: İran Prezidentinin Azərbaycana səfəri əlaqələrimizin yüksək səviyyədə olmasının təzahürüdür

“InvestAZ”dan dünya maliyyə bazarları ilə bağlı həftəlik analiz

Azərbaycan ilə İran arasında imzalanmış sənədlər mübadilə edilib
