Unicapital İnvestisiya Şirkəti 2025-ci ilin maliyyə nəticələrini açıqlayıb

Unicapital İnvestisiya Şirkəti 2025-ci ilin maliyyə nəticələrini açıqlayıb

Unicapital İnvestisiya Şirkəti 2025-ci ilin maliyyə nəticələrini açıqlayıb

(®) “Unicapital İnvestisiya Şirkəti” ASC 2025-ci ili strateji transformasiya, gəlir artımı və risk mövqeyinin əhəmiyyətli şəkildə gücləndirilməsi ilə başa vurub.

Şirkətin yaydığı press-relizdə qeyd edilib ki, hesabat dövründə Unicapital-ın bütün biznes istiqamətləri üzrə ümumi əməliyyat dövriyyəsi ötən illə müqayisədə 60.3% artaraq 48.1 milyard manat təşkil edib. Müştəri hesablarının sayı da artaraq 1 milyon 264 minə çatıb.

VTB-də minimal faiz dərəcəsi ilə nağd kredit 9.9%-dən

"Bu göstəricilər şirkətin əməliyyat miqyasının, müştəri aktivliyinin və bazar iştirakının əhəmiyyətli şəkildə genişləndiyini əks etdirir.

2025-ci ilin yekunlarına əsasən, şirkətin ümumi qeyri-faiz gəlirləri artaraq 3 milyon 376 min manat təşkil edib, bu da şirkətin əsas biznes istiqamətləri üzrə fəaliyyət həcminin genişlənməsini əks etdirir",- press-relizdə bildirilir.

Əlavə edilib ki, hesabat dövründə Unicapital İ.Ş. əməliyyat və institusional dayanıqlığın gücləndirilməsi istiqamətində mühüm addımlar atıb. Şirkət tərəfindən komplayns və risklərin idarə olunması sistemlərinin inkişafı, korporativ idarəetmə standartlarının təkmilləşdirilməsi, rəqəmsal infrastrukturun qurulması və yeni texnoloji həllərin tətbiqi istiqamətində investisiyalar davam etdirilib.

Eyni zamanda, şirkət risk mövqeyinin optimallaşdırılması və maliyyə dayanıqlığının gücləndirilməsi məqsədilə öhdəliklərini əhəmiyyətli şəkildə azaldıb. 2025-ci il ərzində ümumi öhdəliklərin həcmi əvvəlki illə müqayisədə 2 dəfədən çox azalaraq 19.1 milyon manatdan 6.6 milyon manata enib. Xüsusilə repo əməliyyatları üzrə borclanmaların bağlanması şirkətin likvidlik və risk göstəricilərinin yaxşılaşmasına müsbət təsir göstərib.

Bütün bunlarla yanaşı, şirkət hesabat ilini 285 min manat xalis mənfəətlə başa vurub və səhmdar qarşısında öhdəliklərini yerinə yetirərək hesabat dövründə 400 min manat dividend ödənişi də həyata keçirib.

2025-ci ildə Unicapitaltərəfindən texnoloji və əməliyyat infrastrukturunun inkişafına yönəlmiş investisiyalar davam etdirilib. Bu çərçivədə qeyri-maddi aktivlər və texnoloji həllər üzrə yatırımlar əhəmiyyətli şəkildə artıb.

Şirkətin kapitalı 17.2% artaraq, 1 milyon 942 min manata çatıb və Unicapital qarşıdakı dövrdə də kapital bazarlarında fəaliyyətinin genişləndirilməsi, müştəri xidmətlərinin inkişafı, rəqəmsal həllərin tətbiqi və institusional idarəetmənin gücləndirilməsi istiqamətində fəaliyyətini davam etdirəcək.

Qeyd edək ki, “Unicapital İnvestisiya Şirkəti” ASC-nin nizamnamə kapitalı 100% “Unibank” KB ASC-yə məxsusdur.

Unicapital İnvestisiya Şirkəti Unicapital Unibank investisiya şirkəti kapital bazarı maliyyə göstəriciləri 2025 maliyyə nəticələri xalis mənfəət dividend ödənişi əməliyyat dövriyyəsi müştəri hesabları qeyri-faiz gəlirləri risklərin idarə olunması komplayns korporativ idarəetmə rəqəmsal infrastruktur texnoloji həllər maliyyə dayanıqlığı likvidlik risk göstəriciləri repo əməliyyatları öhdəliklərin azalması kapital artımı texnoloji investisiyalar qeyri-maddi aktivlər müştəri xidmətləri broker xidməti investisiya xidmətləri qiymətli kağızlar bazarı Azərbaycan kapital bazarı maliyyə sektoru korporativ maliyyə biznes transformasiyası əməliyyat səmərəliliyi şirkət performansı maliyyə analizi şirkət hesabatı 2025 şirkət hesabatı Azərbaycan investisiya bazarı likvidlik göstəriciləri rəqəmsal transformasiya institusional idarəetmə bazar iştirakı müştəri aktivliyi əməliyyat miqyası maliyyə texnologiyaları Unicapital maliyyə hesabatı Unibank törəmə şirkəti Azərbaycan investisiya sektoru

26.05.2026 17:57