Əmlak sığortasında yığımlar yüksək, ödəniş nisbəti aşağıdır

Əmlak sığortasında yığımlar yüksək, ödəniş nisbəti aşağıdır

Əmlak sığortasında yığımlar yüksək, ödəniş nisbəti aşağıdır

Əmlak sığortası üzrə 2026-cı ilin ilk 4 ayında 88 milyon 229 min manat sığorta haqqı toplanılıb. Bu, ümumi bazarın 14,5%-i deməkdir.

Bu barədə Marja.az Azərbaycan Respublikasının Mərkəzi Bankının operativ məlumatlarına əsasən göstəricilərinə istinadən xəbər verir.

Bu istiqamət üzrə ödənişlər 14 milyon 375 min manat olub və ümumi ödənişlərin 4,7%-ni təşkil edib.

Əmlak sığortasında ödəniş/yığım nisbəti cəmi 16,3% olub. Yəni bu seqmentdə yığımlar ödənişləri 73 milyon 854 min manat və ya 83,7% üstələyib.

Əmlak sığortasında ən böyük sinif əmlakın sığortası olub. Bu sinif üzrə 74 milyon 735 min manat yığım, 14 milyon 328 min manat ödəniş qeydə alınıb. Ödəniş/yığım nisbəti 19,2% təşkil edib.

Qeyd edək ki, 2026-cı ilin yanvar-aprel aylarında Azərbaycanda sığorta şirkətləri tərəfindən 610 milyon 216 min manat sığorta haqqı toplanılıb. Eyni dövrdə həyata keçirilmiş sığorta ödənişləri isə 304 milyon 353 min manat təşkil edib. Hesabat dövründə sığorta ödənişlərinin yığımlara nisbəti 49,9% olub. Başqa sözlə, sığortaçılar topladıqları hər 100 manat sığorta haqqının təxminən 50 manatını ödəniş kimi geri qaytarıblar. Ümumi bazarda sığorta haqları sığorta ödənişlərini 305 milyon 863 min manat üstələyib. Ödənişlər yığımlardan 50,1% az olub. Xatırladaq ki, 2025-ci ilin yanvar-aprel aylarında Azərbaycandakı 16 sığorta şirkətinin xətti 588 milyon 466 min manat sığorta haqqı toplanımış, 231 milyon 333 min manat sığorta ödənişləri həyata keçirilmişdi. Ötən ilin eyni dövrünə nisbətən 2026-cı ilin yanvar-aprel aylarında hesablanmış sığorta haqları 3,7 % və ya 21 milyon 750 min manat, sığorta ödənişləri 31,6 % və ya 73 milyon 20 min manat artıb.

İş elanları AzVak.az-da

Sığorta növləri üzrə sığorta haqları və sığorta ödənişləri