BEGOC Biznes Mərkəzində qanvermə aksiyası təşkil olunub - FOTOLAR

BEGOC Biznes Mərkəzində qanvermə aksiyası təşkil olunub - FOTOLAR

BEGOC Biznes Mərkəzində qanvermə aksiyası təşkil olunub - FOTOLAR

(®) Sosial məsuliyyət prinsiplərinə sadiq qalan FMG şirkətinin təşəbbüsü və təşkilatçılığı ilə keçirilən bu aksiya cəmiyyətin diqqətini bir daha qan xəstəliklərindən əziyyət çəkən şəxslərin problemlərinə yönəltməyi hədəfləyib.

“Qan ver, sevindir!” devizi altında baş tutan aksiyada FMG əməkdaşları ilə yanaşı, biznes mərkəzində fəaliyyət göstərən digər şirkətlərin nümayəndələri də böyük həvəslə iştirak ediblər. Aksiyanın əsas məqsədi talassemiyadan əziyyət çəkən şəxslər üçün mütəmadi qan ehtiyatının formalaşdırılmasına dəstək olmaq və insanları bu kimi xeyriyyə təşəbbüslərinə daha aktiv qoşulmağa təşviq etmək olub.

Səhər saatlarından etibarən başlayan tədbirdə iştirak etmək istəyən donorlar əvvəlcə Səhiyyə Nazirliyi Respublika Qan Bankının ixtisaslı həkimləri tərəfindən tibbi müayinədən keçirilib. Onların sağlamlıq vəziyyəti diqqətlə yoxlanıldıqdan və qanverməyə uyğun olduqları təsdiqləndikdən sonra müvafiq tibbi qaydalara uyğun şəkildə qan götürülüb. Proses tam təhlükəsizlik və gigiyena normalarına riayət olunaraq həyata keçirilib. Toplanan qan nümunələri Qan Bankının laboratoriyasında yoxlandıqdan sonra talassemiya və digər qan xəstəliklərindən əziyyət çəkən şəxslərin müalicəsində istifadə olunacaq.

Qeyd edək ki, ölkənin aparıcı şirkətlərindən biri hesab olunan Facility Management Group (FMG) doqquz ildir ki, əmlak bazarında uğurla fəaliyyət göstərir. Ofis və yaşayış binalarının, biznes və ticarət mərkəzlərinin, eləcə də müxtəlif təyinatlı daşınmaz əmlakların peşəkar idarə olunmasını həyata keçirən FMG şirkəti müasir idarəetmə yanaşmaları və yüksək xidmət keyfiyyəti ilə seçilir.

FMG şirkəti Facility Management Group FMG qanvermə aksiyası Bakı Qan ver sevindir aksiyası Respublika Qan Bankı Səhiyyə Nazirliyi Azərbaycan talassemiya xəstələri üçün qan donor qanvermə aksiyası sosial məsuliyyət FMG xeyriyyə aksiyası Azərbaycan qan ehtiyatı formalaşdırılması Bakı qanvermə tədbiri şirkətlərin sosial layihələri FMG sosial məsuliyyət layihəsi donorluq aksiyası Azərbaycan qan xəstəlikləri müalicəsi tibbi donor müayinəsi Qan Bankı laboratoriyası Bakı biznes mərkəzi tədbiri daşınmaz əmlak idarəetməsi FMG facility management company Azerbaijan biznes mərkəzində sosial aksiya korporativ sosial məsuliyyət Azərbaycan CSP donor kampaniyası insan sağlamlığı təşəbbüsləri FMG 9 illik fəaliyyət əmlak idarəetmə şirkəti Azərbaycan

06.05.2026 12:17