"İran danışıqların ikinci turunda iştirak etməkdən imtina etdi"

"İran danışıqların ikinci turunda iştirak etməkdən imtina etdi"

Donald Trampın “İranın mülki infrastrukturunu məhv edərik” təhdidi ilə gərginləşdirdiyi İslamabad danışıqları Tehranın masa arxasına əyləşməkdən imtina etməsi ilə dalana dirənib. İranın dövlət xəbər agentliyi IRNA Vaşinqtonun “həddindən artıq tələbləri” və davam edən dəniz blokadası səbəbindən İranın danışıqlarda iştirak etməyəcəyini açıqlayıb.

"İran danışıqların ikinci turunda iştirak etməkdən imtina etdi"

Yaxın Şərqdə artıq yeddi həftədir davam edən və qlobal bazarları sarsıdan müharibə fonunda diplomatik həll təşəbbüsləri ciddi zərbə alıb.

Marja xarici mətbuata istinadən xəbər verir ki, ABŞ Prezidenti Donald Tramp nümayəndələrinin bazar axşamı Pakistana çatacağını və “son təklif” təqdim edəcəyini açıqlamasından bir neçə saat sonra İran tərəfi bu görüşlərə "qapını" bağlayıb.

VTB-də minimal faiz dərəcəsi ilə nağd kredit 9.9%-dən

İranın rəsmi xəbər agentliyi IRNA-nın yaydığı məlumata görə, Tehran hakimiyyəti danışıqların ikinci turunda iştirak etməmək qərarını dəniz blokadası və həddindən artıq tələblərlə əsaslandırıb.

İran ABŞ-ın limanlarına tətbiq etdiyi blokadanı mövcud atəşkəs razılaşmasının pozulması kimi qiymətləndirir. Bildirilir ki, Vaşinqton “həddindən artıq və reallıqdan uzaq” gözləntilər irəli sürür və mövqeyini davamlı olaraq dəyişir.

Tehran hesab edir ki, mövcud təzyiq şəraitində masa arxasına əyləşmək “danışıqlar deyil, təslim olmaq” deməkdir.

Trampın ultimatumu

Prezident Donald Trump "Truth Social" platformasında etdiyi paylaşımda diplomatik möhlətin çərşənbə günü başa çatacağını xatırladaraq təhdidin tonunu daha da artırıb:

“Biz olduqca ədalətli və məntiqli bir razılaşma təklif edirik. Əgər bunu qəbul etməsələr, Amerika Birləşmiş Ştatları İrandakı hər bir elektrik stansiyasını və hər bir körpünü yerlə-yeksan edəcək. Artıq nəzakətli davranmaq yoxdur!”

Ağ Evin heyəti yola çıxmışdı

Tramp əvvəlki açıqlamalarından fərqli olaraq nümayəndə heyətinə ABŞ-ın vitse-prezidenti JD Vance-in rəhbərlik edəcəyini təsdiqləyib.

Heyətdə həmçinin Trampın xüsusi nümayəndəsi Steven Witkoff və kürəkəni Jared Kushner də yer alır. ABŞ nümayəndə heyətinin bazar ertəsi axşamı İslamabada çatacağı gözlənilir. Lakin İranın danışıqlarda iştirak etməmək qərarı heyətin qarşı tərəf olmadan qalması riskini yaradır.