ABŞ Prezidenti Donald Tramp “Truth Social” hesabında paylaşım edib.

"Hörmüz boğazə tamamilə açıqdır. Lakin İranla apardığımız danışıqlar 100% tamamlanana qədər dəniz mühasirəsi tam qüvvədə qalacaq. Bu proses çox tez başa çatmalıdır, çünki maddələrin böyük hissəsi artıq razılaşdırılıb", - paylaşımda deyilir.

Tram digər paylaşımında yazıb: 

"İran yeni açıqlayıb ki, Hörmüz boğazı tamamilə açıqdır. Təşəkkür edirəm!"

Hər gün yeni vakansiyalar - AzVak.az-da

XXX

İran və ABŞ Hörmüz boğazının “tamamilə açıq” olduğunu bildiriblər, lakin İran keçidin Tehranın müəyyən etdiyi “razılaşdırılmış marşrut” üzrə həyata keçirildiyini əlavə edib.

Marja xəbər verir ki, İran xarici işlər naziri Seyed Abbas Arakçi cümə günü "X" platformasında paylaşım edərək bildirib ki, atəşkəsin qalan müddəti üçün dəniz nəqliyyatı Hörmüz boğazından “tamamilə açıq elan edilir”.

Bir neçə dəqiqə sonra ABŞ prezidenti Donald Tramp sosial media paylaşımında bildirib: “Hörmüz boğazı tam açıqdır və tam keçid üçün hazırdır.”

“THANK YOU!” — deyə Donald Trump öz "Truth Social" platformasında yazıb.

Bu iki açıqlama Hörmüz boğazı ətrafında yaranmış böhranın müsbət istiqamətdə həll olunduğuna işarə edir və Pakistanın vasitəçiliyi ilə ABŞ–İran danışıqlarının ikinci raunduna doğru yeni diplomatik dinamikanın formalaşdığı bildirilir.

Məlumata görə, müharibədən əvvəl dünya neftinin və mayeləşdirilmiş təbii qaz tədarükünün təxminən beşdə biri Hörmüz boğazı vasitəsilə daşınırdı. Müharibə başlayandan sonra bu marşrut üzrə nəqliyyat demək olar ki, tam dayanıb.

ABŞ-ın dəniz blokadası bazar ertəsi qüvvəyə minib və prezident Donald Tramp bildirib ki, blokadanı pozmağa çalışan istənilən gəmi “məhv ediləcək”.

Donald Tramp həmçinin bildirib ki, İran donanması “tamamilə məhv edilib” və “dənizin dibindədir — 158 gəmi”. O, az sayda kiçik gəmilərin hələ hədəf alınmadığını qeyd edib.

Bu vəziyyət dünya üzrə enerji qiymətlərində kəskin artıma səbəb olmuşdu. Beynəlxalq Enerji Agentliyi rəhbəri cümə axşamı bildirib ki, təchizat davamlı şəkildə bloklanarsa, Avropada cəmi “təxminən 6 həftəlik aviasiya yanacağı” qala bilər.

Hər gün yeni vakansiyalar - AzVak.az-da