İran İslam Respublikasının Xarici işlər naziri Seyid Abbas Əraqçi bildirib ki, 2 həftə müddətində Hörmüz boğazından təhlükəsiz keçid mümkün olacaq.

Marja.az xəbər verir ki, Abbas Əraqç sosial mediada paylaşdığı açıqlamada bildirirb:

"İran İslam Respublikası adından, bölgədə müharibənin sona çatdırılması istiqamətində göstərdikləri yorulmaz səylərə görə qardaş ölkə Pakistanın Baş naziri cənab Şərifə və Feldmarşal cənab Münirə dərin minnətdarlığımı və təşəkkürümü bildirirəm.

Baş nazir Şərifin tvitində ifadə olunan qardaşcasına müraciətə cavab olaraq, həmçinin ABŞ tərəfindən 15 bəndlik təklif əsasında aparılan danışıqlar tələbi və ABŞ Prezidentinin İranın 10 bəndlik təklifinin ümumi çərçivəsinin danışıqlar üçün əsas kimi qəbul edildiyini açıqlaması nəzərə alınaraq, İranın Ali Milli Təhlükəsizlik Şurası adından bəyan edirəm:

Əgər İrana qarşı hücumlar dayandırılarsa, bizim güclü Silahlı Qüvvələrimiz müdafiə xarakterli əməliyyatları dayandıracaq.

İki həftə müddətində Hörmüz boğazından təhlükəsiz keçid İran Silahlı Qüvvələri ilə koordinasiya əsasında və texniki məhdudiyyətlər nəzərə alınmaqla mümkün olacaq".

İş elanları AzVak.az-da

Xəbər verdiyimiz kimi, ABŞ Prezidenti Donald Tramp çərşənbə axşamı bildirib ki, İranın infrastrukturuna planlaşdırılan hücumları iki həftə müddətinə dayandırmağa razılaşıb və İranın “bütün sivilizasiyasını” məhv etməklə bağlı sərt təhdidlərindən geri çəkilib.

ABŞ və İsrailin müharibəyə başlamasından beş həftədən çox vaxt keçdikdən sonra — onun “Truth Social” platformasında yazdığına görə, “İran İslam Respublikasının Hörmüz boğazını TAM, DƏRHAL və TƏHLÜKƏSİZ şəkildə açmağa razı olması” şərti ilə atılıb.

ABŞ Prezidenti Donald Tramp “Truth Social” sosial şəbəkəsindəki hesabından etdiyi paylaşımda yazıb:

“Pakistanın Baş naziri Şahbaz Şərif və Feldmarşal Asim Munirlə apardığım danışıqlara əsasən və onların bu gecə İrana göndərilməsi nəzərdə tutulan dağıdıcı gücü dayandırmağımı xahiş etmələri fonunda, həmçinin İran İslam Respublikasının Hörmüz boğazını TAM, DƏRHAL və TƏHLÜKƏSİZ şəkildə açmağa razı olması şərti ilə, mən İranın bombalanmasını və ona qarşı hücumları iki həftə müddətinə dayandırmağa razıyam. Bu, ikitərəfli ATƏŞKƏS olacaq!

Bunun səbəbi odur ki, biz artıq bütün hərbi hədəflərə nail olmuş, hətta onları artıqlaması ilə yerinə yetirmişik və İranla uzunmüddətli SÜLH, eləcə də Yaxın Şərqdə SÜLHlə bağlı yekun saziş üzrə çox irəli mərhələyə çatmışıq. Biz İrandan 10 bəndlik təklif almışıq və hesab edirik ki, bu, danışıqlar aparmaq üçün işlək əsasdır. Keçmişdə mübahisə doğuran müxtəlif məsələlərin demək olar ki, hamısı ABŞ ilə İran arasında razılaşdırılıb, lakin iki həftəlik müddət sazişin yekunlaşdırılması və rəsmiləşdirilməsi üçün imkan yaradacaq.

Amerika Birləşmiş Ştatlarının Prezidenti kimi və eyni zamanda Yaxın Şərq ölkələrini təmsil edərək, bu uzunmüddətli problemin həllə yaxınlaşması mənim üçün şərəfdir. Bu məsələyə diqqətinizə görə təşəkkür edirəm!

Prezident DONALD J. TRUMP”