(®) AFB Bank müştərilərinə maliyyə hədəflərinə daha sistemli və effektiv şəkildə çatmaq imkanı yaradan yeni məhsulunu – “Həyat yığım hesabı”nı təqdim edir. Bu məhsul müştərilərə 100 AZN-dən başlayaraq, 36 ay müddətində planlı şəkildə yığım etməyə və hər ay mədaxil etdilən vəsaiti 18% gəlirlə dəyərləndirməyə imkan yaradır.

“Həyat yığım hesabı” çərçivəsində müştərilər hər ay etdikləri mədaxillər üzrə sabit və cəlbedici gəlir əldə edirlər. Belə ki, 36 aylıq yığım müddəti ərzində hər bir aylıq mədaxilin üzərinə AFB Bank tərəfindən birdəfəlik olaraq 18% həcmində gəlir hesablanır. Bu yanaşma müştərilərə həm intizamlı yığım vərdişi qazandırır, həm də vəsaitlərinin daha sürətli artmasına şərait yaradır.

Məhsulun əsas üstünlüklərindən biri də müştərilərə təqdim olunan rahat və çevik şərtlərdir. Müştərilər aylıq mədaxillərin həyata keçiriləcəyi tarix intervalını özlərinə uyğun şəkildə seçə bilirlər. Bunun üçün üç fərqli seçim mövcuddur: hər ayın 1–10-u, 11–20-si və ya 21-dən ayın sonunadək olan dövr. Seçilmiş tarix intervalı müqavilə müddəti ərzində sabit qalır və müştəriyə planlaşdırma rahatlığı təmin edir.

AFB Bank müştərilərinə əlavə üstünlüklər də təqdim edir. Müddətin sonunda hesablanmış faiz məbləğinin köçürülməsi üçün müştərilərə 48 ay müddətinə çoxsaylı üstünlüklərə malik Mono Platinum ödəniş kartı hədiyyə olunur.

Qeyd edək ki, müştərilər ilk 18 ay ərzində aylıq mədaxil məbləğini minimum ilkin mədaxil həcmində etməlidirlər. İlk 18 ay ərzində müştərilərə mədaxil məbləğini artırmaq imkanı verilir və bu artım üçün heç bir maksimal limit müəyyən olunmur. Bu müddət ərzində gəlir aylıq mədaxil edilən məbləğ əsasında hesablanır.

Müddətin 19–36-cı ayları ərzində isə gəlir hesablanması maksimal ilk ayın mədaxil məbləği həcmində həyata keçirilir.

AFB Bank daim müştərilərinin maliyyə rifahını artırmağa yönəlmiş innovativ və faydalı həllər təqdim etməyə davam edir. “Həyat yığım hesabı” da bu istiqamətdə atılan növbəti addım olaraq, hər kəsə daha güvənli və planlı maliyyə gələcəyi qurmaq imkanı yaradır.

Ətraflı məlumat üçün AFB Bankın filiallarına yaxınlaşa və ya rəsmi kanallarımız vasitəsilə müraciət edə bilərsiniz.