Dövlət Müəssisələrinin Monitorinqi Agentliyinə direktor təyin olunub

Dövlət Müəssisələrinin Monitorinqi Agentliyinə direktor təyin olunub

Dövlət Müəssisələrinin Monitorinqi Agentliyinə direktor təyin olunub

Fərid Baxşıyev Maliyyə Nazirliyi yanında Dövlət Müəssisələrinin Monitorinqi Agentliyinin direktoru təyin edilib.

Marja xəbər verir ki, bununla bağlı müvafiq əmr imzalanıb.

VTB-də minimal faiz dərəcəsi ilə nağd kredit 9.9%-dən

F.Baxşıyev 1977-ci ildə anadan olub, Azərbaycan Dövlət İqtisad Universitetində biznesin idarə olunması üzrə bakalavr və biznes inzibatçılığı üzrə magistr təhsili alıb. Həmçinin, Böyük Britaniyanın Redinq Universitetində inkişafın maliyyələşdirilməsi ixtisası üzrə magistr dərəcəsinə yiyələnib.

O, əmək fəaliyyətinə 1998-ci ildə Maliyyə Nazirliyində Xarici iqtisadi əlaqələr və xarici borcların idarə olunması departamentində baş iqtisadçı kimi başlayıb. Sonrakı illərdə Azərbaycanın Mərkəzi Bankının Beynəlxalq əlaqələr şöbəsinin direktoru, Dünya Bankında ölkə üzrə iqtisadçı, Azərbaycan Dəmir Yolları QSC-də İnvestisiya şöbəsinin rəisi, KPMG Azərbaycan və digər özəl konsaltinq şirkətlərində rəhbər vəzifələrdə çalışıb.

Xatırladaq ki, Maliyyə Nazirliyi yanında Dövlət Müəssisələrinin Monitorinqi Agentliyi Maliyyə Nazirliyinin fəaliyyətinin təkmilləşdirilməsi ilə bağlı əlavə tədbirlər haqqında Azərbaycan Respublikası Prezidentinin 30 dekabr 2025-ci il tarixli Fərmanı ilə yaradılıb, qurumun Əsasnaməsi təsdiq edilib.

Agentlik dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslərin və dövlət adından yaradılan publik hüquqi şəxslərin illik və ortamüddətli dövr üzrə büdcə layihələrinin və proqnozlarının monitorinqini, habelə illik gəlir və xərc smetalarının icra vəziyyətinin monitorinqini həyata keçirən və icra göstəricilərini təhlil edən, Maliyyə Nazirliyinin strukturuna daxil olan qurumdur.

İş elanları AzVak.az-da

Fərid Baxşıyev Maliyyə Nazirliyi Dövlət Müəssisələrinin Monitorinqi Agentliyi direktor təyinat Marja 1977 Azərbaycan Dövlət İqtisad Universiteti biznesin idarə olunması magistr Redinq Universiteti Böyük Britaniya inkişafın maliyyələşdirilməsi əmək fəaliyyəti 1998 Xarici iqtisadi əlaqələr xarici borcların idarə olunması baş iqtisadçı Mərkəzi Bank Beynəlxalq əlaqələr şöbəsi Dünya Bankı Azərbaycan Dəmir Yolları QSC İnvestisiya şöbəsi KPMG Azərbaycan konsaltinq Prezidentin Fərmanı 30 dekabr 2025 Əsasnamə dövlət mülkiyyəti publik hüquqi şəxslər büdcə layihələri proqnozlar gəlir və xərc smetaları icra göstəriciləri AzVak.az iş elanları

31.03.2026 12:39