Tramp: “İranın neft resurslarını və Xərq adasını ələ keçirmək istəyirəm”

Tramp: “İranın neft resurslarını və Xərq adasını ələ keçirmək istəyirəm”

“Düzünü desəm, İranda nefti götürmək mənim ən çox istədiyim şeydir"

Tramp: “İranın neft resurslarını və Xərq adasını ələ keçirmək istəyirəm”

ABŞ prezidenti Donald Tramp Yaxın Şərqdə davam edən münaqişə beşinci həftəsinə daxil olarkən, İranın neft resurslarını “ələ keçirə biləcəklərini” və ölkənin əsas ixrac mərkəzi olan Xərq adasını (Xarg və ya Hark) nəzarət altına ala biləcəklərini deyib.

Marja xəbər verir ki, Tramp bazar günü "Financial Times" qəzetinə verdiyi müsahibədə qeyd edib ki, onun seçimi “nefti götürməkdir” və bu addımı ABŞ-ın bu ilin əvvəlində Venesuelada həyata keçirdiyi, nəticədə ölkənin neft sektorunun faktiki nəzarətə alındığı hərbi əməliyyatla müqayisə edib.

Məlumatlara görə, ABŞ administrasiyası Xərq adasına quru qoşunlarının göndərilməsi variantını da nəzərdən keçirib. Lakin mənbələrdən biri belə bir əməliyyatın “çox riskli” ola biləcəyi barədə xəbərdarlıq edib. Bildirilir ki, Tehran həmin əraziyə qarşı raket və pilotsuz uçuş aparatları vasitəsilə ciddi müqavimət göstərmək imkanına malikdir.

Tramp müsahibəsində bildirib: “Düzünü desəm, İranda nefti götürmək mənim ən çox istədiyim şeydir, amma ABŞ-da bəzi insanlar deyir ki, bunu niyə edirsən”.

O əlavə edib: “Bəlkə Xərq adasını alarıq, bəlkə almayaq. Çoxlu seçimlərimiz var. Bu, eyni zamanda orada bir müddət qalmalı olacağımız anlamına gəlir”.

Qeyd edək ki, Xərq adası İranın neft ixracının əsas mərkəzidir və ölkənin ümumi ixracının böyük hissəsi məhz bu ərazi vasitəsilə həyata keçirilir. Belə bir addımın reallaşması İran iqtisadiyyatına ciddi təsir göstərə və regionda gərginliyi daha da artıraraq qlobal enerji bazarlarında dalğalanmanı gücləndirə bilər.

İş elanları AzVak.az-da

Donald Tramp İran nefti Xərq adası Xarg Island Hark Island ABŞ İran gərginliyi Yaxın Şərq müharibəsi İran neft ixracı qlobal enerji bazarı neft bazarı riskləri ABŞ hərbi əməliyyat planı ABŞ qoşunları Yaxın Şərq İran raket və PUA imkanları Financial Times müsahibəsi ABŞ Venesuela əməliyyatı İran iqtisadiyyatı neft ixrac mərkəzi Xərq adası qlobal neft təchizatı enerji bazarında gərginlik ABŞ İran qarşıdurması neft bazarında dalğalanma qlobal enerji təhlükəsizliyi İran neft infrastrukturu Yaxın Şərq enerji marşrutları

30.03.2026 09:22