ABB istiqrazlarına abunə yazılışı başa çatıb - Sifarişlər təklifi 5 dəfə üstələyib, 503 fiziki şəxs əldə edib

ABB istiqrazlarına abunə yazılışı başa çatıb - Sifarişlər təklifi 5 dəfə üstələyib, 503 fiziki şəxs əldə edib

İnvestorların 97%-i sifarişlərini ABB mobile tətbiqi vasitəsilə həyata keçirib. İstiqrazların kütləvi təklif üsulu ilə yerləşdirilməsi də 19 martda başa çatıb.

ABB istiqrazlarına abunə yazılışı başa çatıb - Sifarişlər təklifi 5 dəfə üstələyib, 503 fiziki şəxs əldə edib

Vətəndaşlar üçün yeni qazanc fürsəti yaradan ABB istiqrazlarına abunə yazılışı tamamlanıb.

Bankın yaydığı press-relizdə bildirilir ki, 4 – 17 mart tarixləri arasında davam edən abunə yazılışı müddətində həm fiziki, həm də hüquqi şəxslərdən ABB istiqrazlarına böyük tələb formalaşıb. Sifarişlər satışa çıxarılmış həcmdən təxminən 5 dəfə çox olub.

VTB-də minimal faiz dərəcəsi ilə nağd kredit 9.9%-dən

"Bu da ABB istiqrazlarına yüksək etimadı bir daha nümayiş etdirir",- Bankın məlumatında deyilir.

Vətəndaşlara yeni investisiya və qazanc imkanının yaradılması, ölkəmizdə qiymətli kağızlar bazarının inkişafına dəstək məqsədilə fiziki şəxslərə üstünlük hüququ verilib, ilk növbədə onların müraciətləri təmin olunub. ABB istiqrazlarını ümumilikdə 503 fiziki şəxs əldə edib.

İnvestorların 97%-i sifarişlərini ABB mobile tətbiqi vasitəsilə həyata keçirib.

Hər biri 5 milyon AZN həcmində 2 emissiya çərçivəsində buraxılmış, nominal dəyəri 100 manat olan, hər buraxılış üzrə 50 min ədəd adlı, faizli, təmin edilməmiş və sənədsiz istiqrazlar 1 il müddətinə illik 10%, 2 il müddətinə illik 11% gəlirliliklə təqdim edilib.

Faiz gəlirləri rüblük ödənilir və fiziki şəxslər üçün vergidən azaddır. İstiqrazların kütləvi təklif üsulu ilə yerləşdirilməsi 19 martda başa çatıb. İnvestorlar üçün təkrar bazarda alqı-satqı imkanı da yaradılacaq. İstiqrazlar Bakı Fond Birjasında tədavül ediləcək.

ABB istiqrazları Bankın daimi məhsullarından olacaq. Bundan sonra da investorlara kiçik həcmlərlə davamlı şəkildə təklif ediləcək. Növbəti tranş 2026-cı ilin 2-ci rübü ərzində elan olunacaq.

ABB istiqrazları investorlar üçün sabit gəlir imkanı təqdim etməklə yanaşı, ölkəmizdə kapital bazarlarının inkişafına da töhfə verir.

İş elanları AzVak.az-da

ABB istiqrazları 2026 ABB istiqrazlarına abunə yazılışı investisiya imkanları Azərbaycan qiymətli kağızlar bazarı inkişafı fiziki şəxslər üçün istiqrazlar ABB mobile ilə investisiya istiqraz gəlirliliyi 10% 11% sabit gəlir alətləri Azərbaycan Bakı Fond Birjası istiqraz ticarəti kapital bazarları Azərbaycan investor tələbi 5 dəfə çox istiqraz emissiyası 5 milyon AZN maliyyə bazarları və investisiya rüblük faiz ödənişləri vergidən azad gəlir istiqrazlar təkrar bazarda alqı-satqı fərdi və korporativ investorlar bank istiqraz məhsulları maliyyə savadlılığı və investisiya ABB investisiya məhsulları

19.03.2026 16:26