Azərbaycanda orta maaş 90 qəpik artıb

2025-ci ilin dekabr ayında 1102,9 manat təşkil etmiş orta aylıq nominal əməkhaqqı 2026-cı ilin yanvar ayında 90 qəpik artaraq 1103,8 manata çatıb. Son 12 hesabart ayında isə orta maaş 40,9 manat artıb.

Dövlət Statistika Komitəsi ölkədə muzdla çalışan işçilərin sayı və əməkhaqqı barədə məlumatları açıqlayıb.

Qeyd edilib ki, 2026-cı il fevralın 1-i vəziyyətinə ölkədə muzdla çalışan işçilərin sayı 1 milyon 782 min nəfər olmuş, onlardan 861,4 min nəfəri dövlət sektorunda, 920,6 min nəfəri isə qeyri-dövlət sektorunda fəaliyyət göstərmişdir.

Muzdla işləyənlərin 18,6 faizi ticarət; nəqliyyat vasitələrinin təmiri, 18,3 faizi təhsil, 13,8 faizi sənaye, 8,6 faizi əhaliyə səhiyyə və sosial xidmətlərin göstərilməsi, 6,5 faizi tikinti, 6,2 faizi dövlət idarəetməsi və müdafiə; sosial təminat, 4,4 faizi nəqliyyat və anbar təsərrüfatı, 3,8 faizi peşə, elmi və texniki fəaliyyət, 2,4 faizi maliyyə və sığorta fəaliyyəti, 2,3 faizi kənd təsərrüfatı, meşə təsərrüfatı və balıqçılıq, 15,1 faizi isə iqtisadiyyatın digər sahələrində məşğul olmuşlar.

2026-cı ilin yanvar ayında ölkədə muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 3,8 faiz və ya 40,9manat artaraq 1103,8 manat təşkil etmişdir.

Xatırladaq ki, 2025-ci ilin ilkin məlumatlarına əsasən ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilə nisbətən 9,3 faiz artaraq 1102,9 manat təşkil etmişdi.

2025-ci ilin yanvar ayında isə ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 12,8 faiz artaraq 1062,9 manat təşkil etmişdi.

İş elanları AzVak.az-da

Azərbaycan muzdla çalışan işçilər Dövlət Statistika Komitəsi əməkhaqqı statistikası 2026 fevral işçi sayı dövlət sektoru işçiləri qeyri-dövlət sektoru işçiləri sektor üzrə məşğulluq payı ticarət və nəqliyyat fəaliyyəti təhsil sektoru işçiləri sənaye sektoru işçiləri səhiyyə və sosial xidmətlər tikinti sektoru dövlət idarəetməsi və müdafiə nəqliyyat və anbar təsərrüfatı peşə elmi və texniki fəaliyyət maliyyə və sığorta fəaliyyəti kənd təsərrüfatı və balıqçılıq digər iqtisadi sahələr orta aylıq nominal əməkhaqqı əməkhaqqı artımı iqtisadi göstəricilər Azərbaycan muzdla işləyənlərin sayı və əməkhaqqı işçi bazarı statistikasına dair məlumatlar 2025-2026 əməkhaqqı dəyişiklikləri

13.03.2026 12:20