Fiziki şəxslərin əmanətlərinin dollarlaşma səviyyəsi daha da azalıb

Fiziki şəxslərin əmanətlərinin dollarlaşma səviyyəsi daha da azalıb

Banklard 13.3 mlrd. manat ekvivalentində xarici valyutada depozitlər var.

Fiziki şəxslərin əmanətlərinin dollarlaşma səviyyəsi daha da azalıb

2025-ci ildə maliyyə sektoru çıxılmaqla depozit portfeli 2024-cü ilə nəzərən 1.6% artaraq 37.8 mlrd. manata çatmışdır. O cümlədən müddətli depozitlər 10.1% artaraq dekabr ayının sonuna 16 mlrd. manat, cari depozitlərin həcmi isə 3.8% azalaraq 21.8 mlrd. manat təşkil etmişdir.

Marja xəbər verir ki, bu, Mərkəzi Bankın Pul Siyasəti İcmalının Fevral - 2026 sayında bildirilir.

Qeyd edilib ki, il ərzində hüquqi şəxslərin cəmi depozitləri 6.7% azalaraq 21 mlrd. manat təşkil etmişdir. Bu dövrdə hüquqi şəxslərin depozitlərində cari hesabların payı 0.7 faiz bəndi (f.b.) azalaraq 73%, müddətli depozitlərin payı isə 0.7 f.b. artaraq 27% olmuşdur.

2025-ci ilin sonuna xarici valyutada əmanət və depozitlərin cəmi əmanət və depozitlərdə xüsusi çəkisi 2.5 f.b. azalaraq 29.7%-ə enmişdir. Xarici valyutada əmanət və depozitlərin M3 pul aqreqatında xüsusi çəkisi isə 2.2 f.b. azalaraq 18.9% təşkil etmişdir.

Fiziki şəxslərin cəmi əmanətləri il ərzində 14.4% artmaqla 16.8 mlrd. manata çatmışdır. Müddətli əmanətlərdə ən böyük payı (50.2%) müddəti 1 ilə qədər olan əmanətlər təşkil etmişdir.

VTB-də minimal faiz dərəcəsi ilə nağd kredit 9.9%-dən

İl ərzində manatla depozitlər 5% və ya 1.2 mlrd. manat artaraq 24.5 mlrd. manat, xarici valyutada depozitlər isə 4% və ya 549 mln. manat azalaraq 13.3 mlrd. manat ekvivalentində olmuşdur.

Fiziki şəxslərin əmanətlərinin dollarlaşma səviyyəsi 2025-ci il ərzində 2.8 f.b. azalaraq 30.8% təşkil etmişdir. Qeyri-rezident fiziki şəxslərin əmanətləri çıxılmaqla ev təsərrüfatlarının əmanətlərinin dollarlaşma səviyyəsi isə 2.6 f.b. azalaraq 28%-ə enmişdir.

Hüquqi şəxslərin depozitlərində xarici valyutanın payı son 1 ildə 0.9 f.b. azalaraq 38.5%-ə enmişdir.

İl ərzində manatla yeni cəlb edilmiş depozitlər üzrə faizlər 1.8 f.b., xarici valyutada yeni cəlb edilmiş depozitlər üzrə isə 0.2 f.b. azalmışdır

18.02.2026 17:49