NAZ: İndi 2 aydan bir sifariş alırıq

NAZ: İndi 2 aydan bir sifariş alırıq

Dövlət Statistika Komitəsinin 8 aylıq hesabatına əsasən Azərbaycanda cəmi 30 ədəd minik avtomobili istehsal edilib.

VTB-də minimal faiz dərəcəsi ilə nağd kredit 10.49%-dən

Yeganə minik avtomobilləri istehsalçısı olan Naxçıvan Avtomobil Zavodunda istehsal ötən ilin eyni dövrü ilə müqayisədə 75% azalıb. Bununla yanaşı, avqust ayında istehsal olmayıb.

Avtomobil zavodunun direktor müavini Polad Sadıxov bildirib ki, istehsal sifariş əsasında aparılır. Sifarişlər gec verildiyi üçün istehsal prosesində də gecikmələr ola bilər:

“Bilirsən, əvvəl sifariş hər ay gəlirdisə, indi 2 aydan bir gəlir. Bura həm dövlət, həm də digər sifarişlər daxildir”.

Direktor müavini ümumilikdə isə satış həcminin azaldığını etiraf edib.

2017-ci ilin 8 ayı ərzində Azərbaycanda cəmi 30 ədəd minik avtomobili istehsal olunub. Azərbaycanda minik avtomobillərinin yeganə istehsalçısı Naxçıvan Avtomobil Zavodudur.

“Marja” Dövlət Statistika Komitəsinə istinadən xəbər verir ki, istehsal əvvəlki ilin müvafiq dövrünə nisbətən 75% azalıb.

2017-ci ilin yanvar-iyul aylarında (7 ayda) Azərbaycanda cəmi 30 ədəd minik avtombili istehsal edilmişdi. Beləliklə, Avqustda Naxçıvan Avtomobil Zavodunda istehsal dayanıb.

01.09.2017-ci il vəziyyətinə hazır məhsul ehtiyatı 131 ədəd təşkil edib. 01.08.2017-ci il vəziyyətinə hazır məhsul ehtiyatı 133 ədəd idi. Avtomobillər satılmadığından Naxçıvan Muxtar Respublikası Ali Məclisi zavoda dəstək verir. Bu günlərdə zavodun bi neçə avtomobili alınaraq dövlət qurumlarına verilib.

Azərbaycanda yük avtomobilləri istehsalı 99% artaraq 4 ədəd, xüsusi təyinatlı kommunal maşınların istehsalı 98,6% artaraq 1 970 ədəd, traktorların istehsalı isə 50,3% artaraq 941 ədəd təşkil edib.

Qeyd edək ki, Naxçıvan Avtomobil Zavodu "NAZ-Lifan" markalı minik avtomobilləri istehsal edir. Avtomobillərin ehtiyat hissələri Çindən idxal olunur. Müəssisənin ən iri müştərilərindən biri Əmək və Əhalinin Sosial Müdafiəsi Nazirliyi idi. Avtomobillər dövlət büdcəsi vəsaitləri hesabına alınaraq əlillərə hədiyyə olunurdu.

Məhsul növləri	2017-ci ilin yanvar-avqust aylarında istehsal edilmişdir	Əvvəlki ilin müvafiq dövrünə nisbətən, faizlə	01.09.2017-ci il vəziyyətinə hazır məhsul ehtiyatı
Traktorlar, ədəd	941	150,3	4
Xüsusi təyinatlı kommunal maşınlar, ədəd	1 970	198,6	339
Yük avtomobilləri, ədəd	4	1,1	2
Minik avtomobilləri, ədəd	30	25,2	131
Yüklərin daşınması üçün sair qoşqular və yarımqoşqular, ədəd	2	0,7	2

22.09.2017 11:32

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az