Rusiyanın enerji şirkəti "Lukoil" beynəlxalq aktivlərini ABŞ-ın investisiya şirkəti "Carlyle"ə satmaq barədə razılığa gəldiyini açıqlayıb.

Marja.az xəbər verir ki, "Lukoil" yaydığı məlumatda "Carlyle"in "Lukoil International GmbH" şirkətin satın alma təklifinin qəbul edildiyini bildirib.

Lukoil-dən verilən açıqlamada razılaşma çərçivəsinə Qazaxıstandakı aktivlərin daxil edilmədiyi qeyd olunub. Satışın tamamlanması üçün bir sıra şərtlərin yerinə yetirilməsinin zəruri olduğu vurğulanıb.

OFAC təsdiqi gözlənilir

Açıqlamaya görə, əməliyyatın qüvvəyə minməsi üçün ABŞ Maliyyə Nazirliyinin Xarici Aktivlərə Nəzarət Ofisinin (OFAC) təsdiqi tələb olunur. OFAC icazəsi ilə yanaşı, müqavilədə nəzərdə tutulan digər tənzimləyici şərtlərin də yerinə yetirilməsi gözlənilir.

Digər alıcılarla danışıqlar davam edir

"Lukoil" "Carlyle" ilə razılaşmaya baxmayaraq, digər potensial alıcılarla da danışıqlarını davam etdiyini bildirib. Bu isə satış prosesinin hələ tam yekunlaşmadığını göstərir.

Sanksiyalardan sonra mühüm addım

Satış qərarı ABŞ-ın tətbiq etdiyi sanksiyalardan sonra verilib. ABŞ Prezidenti Donald Tramp 2025-ci ilin oktyabrında Ukraynadakı müharibənin dayandırılmasına yönəlmiş sülh prosesində “ciddi öhdəlik çatışmazlığı” olduğu əsasını gətirərək "Lukoil" və onun törəmə şirkətlərini sanksiya siyahısına daxil etmişdi.

ABŞ-dakı aktivlər dondurulmuşdu

Bu çərçivədə "Lukoil"in ABŞ-da yerləşə aktivləri dondurulmuş, ABŞ vətəndaşlarının həmin aktivlərlə hər cür maliyyə əməliyyatı aparması qadağan edilmişdi. 

Rusiya enerji sektoru üçün dönüş nöqtəsi

Qlobal neft hasilatının təxminən 2 faizini təmin edən "Lukoil" sanksiya qərarından sonra beynəlxalq aktivlərini satacağını bəyan etmişdi. Bu addım 2022-ci ilin fevralında başlayan Ukrayna müharibəsindən bəri Qərb sanksiyalarına qarşı bir Rusiya enerji şirkətinin atdığı ən genişmiqyaslı addımlardan biri kimi qiymətləndirilir.