"Trendyol" və "PAŞA Holding”in təşəbbüsü ilə 12 mindən çox ağac əkilib

"Trendyol" və "PAŞA Holding”in təşəbbüsü ilə 12 mindən çox ağac əkilib

"Trendyol" və "PAŞA Holding”in təşəbbüsü ilə 12 mindən çox ağac əkilib

Türkiyənin aparıcı e-ticarət platforması və dünyanın ən böyük e-ticarət platformalarından biri Trendyol “PAŞA Holding”lə birlikdə ölkə ərazisində həyata keçirdiyi genişmiqyaslı ağacəkmə kampaniyasının ikinci mərhələsini uğurla yekunlaşdırıb.

VTB-də minimal faiz dərəcəsi ilə nağd kredit 9.9%-dən

Bu təşəbbüs hər iki şirkətin iqlim dəyişikliyinin təsirlərinin azaldılması və ətraf mühitin qorunması istiqamətində davamlı fəaliyyətinin bir hissəsidir. Layihə çərçivəsində ötən il ərzində respublikanın bir sıra bölgələrində ardıcıl şəkildə yaşıllaşdırma işləri aparılıb. Kampaniyanın birinci mərhələsində Göygöl rayonu və Bakının Müşfiqabad qəsəbəsində 5500 ədəd Eldar şamı və zeytun ağacı əkilib.

İkinci mərhələdə isə, Bərdə, Ağcabədi, Zaqatala, Zərdab və Ağdaş rayonlarında aparılan meşəbərpa işləri çərçivəsində 3 hektardan böyük ərazidə, Lerik rayonunda 1.2 hektar, Qax və Quba rayonlarında ümumilikdə 2 hektar sahədə yaşıllaşdırma işləri davam etdirilib.

Sonrakı mərhələdə Şəmkir, Xaçmaz, Sabirabad, Şabran, Lerik, Masallı, Qax, Tovuz, Yevlax, Şirvan, Şabran, Xaçmaz, İsmayıllı, Zaqatala, Ağcabədi, Goranboy, Masallı, Qubadlı, Daşkəsən və Qəbələ rayonlarında aparılan meşəbərpa tədbirləri nəticəsində 8 hektar ərazidə 3000-nə yaxın ağac əkilib.

Sabirabad, Ağcabədi, Daşkəsən, Qobustan, Lerik, Astara, Zaqatala, Şəki, Şəmkir, Tovuz Oğuz, Quba, Gədəbəy, Lənkəran, Şəmkir, Göygöl, Ağcabədi rayonlarında aparılan yaşıllaşdırma tədbirləri isə 5 hektardan çox ərazini əhatə edib.

Beləliklə, Trendyol və PAŞA “Holding”in təşəbbüsü və EcoHub Ekoloji Təşəbbüslərə Dəstək İctimai Birliyinin icraçı tərəfdaşlığı ilə, kampaniya çərçivəsində ümumilikdə, 20 hektara yaxın ərazidə 12.500 ağac əkilib.

Ətraf mühitin qorunması və iqlim dəyişikliyi ilə mübarizə Trendyol və “PAŞA Holding”in korporativ sosial məsuliyyət strategiyasının bir hissəsini təşkil edir.

Trendyol fəaliyyət göstərdiyi ölkələrdə “Birlikdə Transformasiya” şüarı altında sosial və ekoloji təsiri artıran təşəbbüsləri dəstəkləyir, daha yaşıl, ədalətli və rəqəmsal gələcək qurmaq üçün fəaliyyətini davam etdirir.

Trendyol PAŞA Holding ağacəkmə kampaniyası ekoloji təşəbbüs iqlim dəyişikliyi ətraf mühitin qorunması korporativ sosial məsuliyyət yaşıllaşdırma layihəsi meşəbərpa tədbirləri EcoHub Eldar şamı zeytun ağacı Göygöl Müşfiqabad Bərdə Ağcabədi Zaqatala Zərdab Ağdaş Lerik Qax Quba Şəmkir Xaçmaz Sabirabad Şabran Masallı Tovuz Yevlax Şirvan İsmayıllı Goranboy Qubadlı Daşkəsən Qəbələ Qobustan Astara Şəki Oğuz Gədəbəy Lənkəran Göygöl dayanıqlı inkişaf yaşıl gələcək

23.01.2026 15:24