SOCAR Afrikada neft-qaz yatağının işlənməsi layihəsində 10% iştirak payı aldı

SOCAR Afrikada neft-qaz yatağının işlənməsi layihəsində 10% iştirak payı aldı

SOCAR Afrikada neft-qaz yatağının işlənməsi layihəsində 10% iştirak payı aldı

SOCAR Kot-d’İvuarda yerləşən “Baleine” neft-qaz yatağının işlənməsi layihəsində 10% iştirak payının alınması ilə bağlı “Eni S.p.A.” şirkəti ilə saziş imzalayıb.

Marja xəbər verir ki, sənəd Dünya İqtisadi Forumunun 2026-cı il İllik Toplantısı çərçivəsində SOCAR-ın prezidenti Rövşən Nəcəf və “Eni S.p.A.” şirkətinin baş icraçı direktoru Klaudio Deskalzi tərəfindən imzalanıb.

VTB-də minimal faiz dərəcəsi ilə nağd kredit 9.9%-dən

Bu saziş SOCAR-ın Afrika qitəsinin zəngin neft-qaz resurslarına çıxışını təmin etməklə yanaşı, şirkətin qlobal genişlənmə strategiyasına tam uyğundur.

Sənəd, həmçinin SOCAR və “Eni S.p.A” arasında enerji sənayesinin müxtəlif seqmentlərində formalaşmış daha geniş strateji əməkdaşlığın bir hissəsini təşkil edir.

Sazişin icrası və əməliyyatın yekunlaşması müvafiq tənzimləyici qurumlardan razılıqların alınmasından, eləcə də digər standart şərt və tələblərin yerinə yetirilməsindən asılıdır.

Qeyd edək ki, “Baleine” Qərbi Afrikada son illərdə aşkar edilmiş ən iri neft-qaz yataqlarından biri hesab olunur. Dənizdə yerləşən nəhəng neft və qaz yatağı 2021-ci ildə kəşf edilib və 2023-cü ildə hasilatına başlanılıb.

Hazırda “Baleine” yatağından işlənmənin 1-ci və 2-ci mərhələləri çərçivəsində gündəlik 62 min bareldən artıq neft və 2,1 milyon kubmetrdən çox qaz hasil edilir. 3-cü mərhələnin işə salınması ilə gündəlik hasilatın 150 min barel neftə və təxminən 5,7 milyon kubmetr qaza çatdırılması nəzərdə tutulur.

Xüsusilə qeyd etmək istərdik ki, “Baleine” Afrikada ilk xalis sıfır emissiyalı dəniz neft-qaz layihəsidir.

İş elanları AzVak.az-da

SOCAR Baleine layihəsi SOCAR Eni əməkdaşlığı Kot-d’İvuar neft qaz yatağı Baleine neft qaz yatağı Baleine 10% iştirak payı Baleine layihəsi hasilat Baleine neft hasilatı Baleine qaz hasilatı Baleine 1-ci mərhələ Baleine 2-ci mərhələ Baleine 3-cü mərhələ Baleine gündəlik hasilat Baleine xalis sıfır emissiya Afrika neft qaz resursları SOCAR Afrika strategiyası SOCAR qlobal genişlənmə enerji sənayesi strateji əməkdaşlıq Dünya İqtisadi Forumu 2026 Rövşən Nəcəf Klaudio Deskalzi Eni S.p.A. enerji layihələri tənzimləyici razılıq dəniz neft qaz layihəsi Qərbi Afrika neft layihəsi Baleine 2021 kəşf Baleine 2023 hasilata başlama 150 min barel neft 5 7 milyon kubmetr qaz neft qaz sərmayəsi SOCAR beynəlxalq layihələr enerji sektorunda investisiya.

22.01.2026 10:32