Azərbaycanda “Roblox” oyun platformasına qarşı konkret tədbirlər görülə bilər

Azərbaycanda “Roblox” oyun platformasına qarşı konkret tədbirlər görülə bilər

Azərbaycanda “Roblox” oyun platformasına qarşı konkret tədbirlər görülə bilər

Ailə, Qadın və Uşaq Problemləri üzrə Dövlət Komitəsində İnformasiya məhsulunun yaş təsnifatının aparılması üzrə Ekspert Şurasının iclası keçirilib.

Yanvarın 21-də keçirilən iclasda “Roblox” oyun platforması ilə bağlı müraciətlər, bu məsələ ilə bağlı görüləcək işlərə dair yekun qərarın verilməsi, “Uşaqların zərərli informasiyadan qorunması haqqında” Azərbaycan Respublikasının Qanununda dəyişiklik edilməsi barədə qanun layihəsi, eləcə də uşaqların zərərli informasiyadan qorunması məqsədilə aparılan monitorinqlərin nəticələri müzakirə olunub.

Ekspert Şurasının sədri, Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva ötən il ərzində uşaqların informasiya təhlükəsizliyi sahəsində həyata keçirilən tədbirləri diqqətə çatdırıb.

İclasın gündəliyində duran əsas məsələlərdən biri kimi “Roblox” oyun platformasının uşaqlar arasında geniş yayılmasının ciddi narahatlıq doğurduğu, bu barədə aidiyyəti qurumlara çoxsaylı müraciətlərin daxil olduğu və konkret tədbirlərin görülməsinin zəruriliyi qeyd edilib.

Müzakirələrdə Ailə, Qadın və Uşaq Problemləri üzrə Dövlət Komitəsinin Hüquqi-təminat şöbəsinin müdir müavini Seymur Məmmədov, Ekspert Şurasının üzvləri – Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin Hüquq və tənzimləmə sektorunun baş məsləhətçisi Fatimə Eyyub, Audiovizual Şuranın Aparatının Hüquq və beynəlxalq əməkdaşlıq şöbəsinin baş məsləhətçisi Ayxan Sadıqlı, Ekspert Şurasının katibi, Ailə, Qadın və Uşaq Problemləri üzrə Dövlət Komitəsinin Uşaq məsələləri şöbəsinin baş məsləhətçisi Könül Tağızadə, Mədəniyyət Nazirliyinin Film, video və videooyunlar sektorunun əməkdaşı Fərid Bağırov və müstəqil ekspert kimi pedaqoq-psixoloq Kəmalə Qəhrəmanova çıxış edərək təkliflərini səsləndiriblər.

İş elanları AzVak.az-da

22.01.2026 08:50