“Prime Cotton” beynəlxalq sertifikat portfelini daha da gücləndirir

“Prime Cotton” beynəlxalq sertifikat portfelini daha da gücləndirir

“Prime Cotton” beynəlxalq sertifikat portfelini daha da gücləndirir

“Prime Cotton” davamlı inkişaf və məsuliyyətli istehsal strategiyasına uyğun olaraq beynəlxalq standartlara uyğunluq sahəsində növbəti mühüm mərhələni uğurla tamamlamışdır.

Belə ki, Cəmiyyət İnteqrə Olunmuş Menecment Sistemi (İMS) üzrə ISO 9001:2015 (Keyfiyyətin idarə edilməsi), ISO 14001:2015 (Ətraf mühitin idarə edilməsi) və ISO 45001:2018 (Əməyin mühafizəsi və sağlamlığın idarə edilməsi) standartları üzrə aparılan audit prosesindən müvəffəqiyyətlə keçmiş və müvafiq sertifikatları əldə etmişdir.

Sertifikatlaşdırma prosesi beynəlxalq səviyyədə yüksək nüfuza malik “TÜV Austria Azərbaycan” şirkəti tərəfindən həyata keçirilmişdir. Yeni əldə olunan sertifikatlar “Prime Cotton” MMC-də keyfiyyət, əməyin mühafizəsi, sağlamlıq və ətraf mühit üzrə proseslərin vahid idarəetmə sistemi çərçivəsində qurulduğunu və davamlı təkmilləşdirildiyini təsdiqləyir.

Qeyd edək ki, bu nailiyyət “Prime Cotton”-un artıq malik olduğu OEKO-TEX® Standard 100, USDA Organic, Higg, Sedex Supplier Plus, Geodentify mənşə təsdiqi və International Cotton Association (ICA) üzvlüyü kimi beynəlxalq səviyyədə tanınan sertifikat və təşəbbüsləri strateji şəkildə tamamlayır. Sözügedən sertifikatlar şirkətin məhsul təhlükəsizliyi, ekoloji məsuliyyət, sosial uyğunluq, şəffaf təchizat zənciri və mənşə izlənəbilənliyi sahələrində ardıcıl və sistemli yanaşmasını əks etdirir.

“Prime Cotton” MMC-nin Baş İcraçı Direktoru Rövşən Mahmudov bu nailiyyəti belə şərh edib:

“Bizim üçün sertifikatlar məqsəd deyil, düzgün qurulmuş idarəetmə və məsuliyyətli biznes modelinin nəticəsidir. ISO 9001, ISO 14001 və ISO 45001 standartları əvvəllər əldə etdiyimiz beynəlxalq sertifikatlarla birlikdə ‘Prime Cotton’un keyfiyyətə, insan sağlamlığına, ətraf mühitə və şəffaflığa sadiqliyini bir daha nümayiş etdirir. Bu yanaşma həm tərəfdaşlarımız, həm də qlobal bazarlar qarşısında etibarlılığımızın əsasını təşkil edir.”

“Prime Cotton” qarşıdakı dövrdə də beynəlxalq standartlara uyğunluğun genişləndirilməsi, davamlılıq təşəbbüslərinin dərinləşdirilməsi və qlobal tekstil dəyər zəncirində rəqabətqabiliyyətli mövqeyinin daha da möhkəmləndirilməsi istiqamətində fəaliyyətini davam etdirəcəkdir.

Qeyd edək ki, "Prime Cotton" MMC — 30 ildən artıq təcrübəyə malik, pambıqçılıq sahəsində Azərbaycanın aparıcı şirkətidir. "GP Cotton Holdings"in tərkibinə daxil olan "Prime Cotton", pambıq istehsalı ilə yanaşı mahlıc, iplik, pambıq yağı və pambıq jmıxı istehsalı ilə də məşğuldur. Şirkət müasir texnologiyalar, davamlı istehsal zənciri və keyfiyyətə əsaslanan yanaşması ilə yerli və beynəlxalq bazarlarda rəqabətədavamlı məhsullar təqdim edir.

info@primecotton.az

(+994 55) 515 01 01

Prime Cotton Prime Cotton MMC pambıqçılıq şirkəti davamlı inkişaf strategiyası məsuliyyətli istehsal inteqrə olunmuş menecment sistemi İMS ISO 9001:2015 ISO 14001:2015 ISO 45001:2018 keyfiyyətin idarə edilməsi ətraf mühitin idarə edilməsi əməyin mühafizəsi və sağlamlıq TÜV Austria Azərbaycan beynəlxalq sertifikatlar davamlılıq ekoloji məsuliyyət sosial uyğunluq şəffaf təchizat zənciri məhsul təhlükəsizliyi OEKO-TEX Standard 100 USDA Organic Higg Index Sedex Supplier Plus Geodentify mənşə təsdiqi International Cotton Association ICA üzvlüyü pambıq istehsalı mahlıc istehsalı iplik istehsalı pambıq yağı istehsalı pambıq jmıxı tekstil sənayesi qlobal tekstil bazarı davamlı istehsal zənciri keyfiyyətə əsaslanan yanaşma GP Cotton Holdings Azərbaycan pambıqçılıq sektoru ixrac yönümlü istehsal korporativ idarəetmə sağlam və təhlükəsiz iş mühiti ekoloji standartlar qlobal bazarlarda rəqabətqabiliyyətlilik

21.01.2026 18:26