Pul menecerləri dolların bahalaşacağını gözləyir - 5%

Pul menecerləri dolların bahalaşacağını gözləyir - 5%

Pul menecerləri dolların bahalaşacağını gözləyir - 5%

Dollar, Vaşinqtondakı siyasi gərginliklər və indiyədək mərkəzi bankın (Fed) siyasətindəki dəyişikliklərin təsiri ilə on ildən bu yana ən pis ucuzlaşmasını edib.

"Marja" Bloomberg-ə istinadən xəbər verir ki, indi isə bütövlükdə 3 trilyon dolların idarə edilməsindən məsul olan pul menecerləri bundan sonra Dolların bahalaşa biləcəyini qeyd edirlər.

"Mellon Capital Management Corp", "State Street Global Advisors" və "UBS Asset Management" Dolların 2017-ci ildə 9% ucuzlaşmasının bir qisminin geri alacağını düşünür. Buna səbəb, treyderlərin, Fed-in bu ilin Dekabr ayında faiz artıracağına daha çox ehtimal vermələridir. Treyderlər bir neçə həftə əvvələ qədər buna az ehtimal verirdilər.

Fed-in Dekabr ayında faiz artıracağına dair ehtimal, dünən Bankın bu il bir daha faiz artıracağını bəyan etməsilə güclənib. Dollar, sözügedən açıqlama ilə bahalaşıb.

Bəzi pul menecerlərinə görə, dollar, 2007-ci ildən bəri görülən ən uzun ucuzlaşma müddətinin (6 ay) ardından bahalaşacaq.

"5% BAHALAŞA BİLƏR"

"State Street Global"ın Valyuta departamentinin rəhbəri Len Crownover, "Dolların bahalaşacağını hesab edirik" deyib. Təxminən 2.6 trilyon dolları idarə edən "Crownover"a görə, Avropa ilə müqayisədə ABŞ-da sərt pul siyasətinə keçiləcəyi daha böyük bir ehtimaldır. Bu da dolları il sonuna qədər 5% yüksəldə bilər.

"Mellon Capital"dan Sinead Colton, "Valyuta səbəti qarşısında dollara müsbət baxmağa davam edəcəyik. Fed-in balansını azaltması pul siyasətinin sərtləşdirilməsi deməkdir. Bu da Dolların bahalaşmasını təkan verəcək" deyib.

"UBS Asset Management"dən Conatan Devis, bazarın ABŞ Dollarına qarşı həddən artıq pessimist düşündüyünü bildirib. O qeyd edib ki, pul siyasətinin mülayim sərtləşdirilməsi qarşıdakı altı ayda dolları bir qədər bahalaşdıracaq.

21.09.2017 14:29

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az