2026-cı ildə ümumi daxili məhsul (ÜDM) real ifadədə 2,9 faiz artaraq 134,1 milyard manat,o cümlədən qeyri-neft-qaz  ÜDM  real  ifadədə 5  faiz artaraq 101,7  milyard manat təşkil  edəcəkdir. ÜDM-in tərkibində qeyri-neft-qaz sektorunun payının artaraq 75,8 faizə çatacağı gözlə-nilir. Proqnozlara əsasən, 2026-cı ildə neft-qaz sektoru üzrə ÜDM real ifadədə 2,4 faiz azalacaqdır. Bu il “Azərilayt” markalı xam neftin qiyməti 1 barel üçün 65 ABŞ dolları qəbul edilib.

Marja.az xəbər verir ki, bu, 2026-cı ilin makroiqtisadi proqnozlarında bildirilir.

Qeyd edilib ki, ortamüddətli dövrün sonuna ÜDM-in həcmi 161,8 milyard manatadək, onun qey-ri-neft-qaz sektoruna aid hissəsinin xüsusi çəkisi isə 80 faizədək yüksələcək. İqtisadiyyat Nazirliyi tərəfindən baza ssenaridə orta illik inflyasiya göstəricisi 2026-cı ildə 4,8 faiz, 2027-2029-cu illərdə isə illik orta hesabla 4,3 faiz səviyyəsində proqnozlaş-dırılıb. Makroiqtisadi sabitliyin qorunması məqsədilə milli valyutanın mübadilə məzənnəsinin sabitliyi - manatın ABŞ dollarına qarşı məzənnəsinin 1,7 manat səviyyəsində qalması dəstəklənəcək.

İqtisadi aktivliyin yüksəlməsi ilə əlaqədar əhalinin gəlirlərinin real artım tempi bu il 3,4 faiz, 2027-2029-cu illərdə isə orta illik 3,7 faiz proqnozlaşdırılır. Gəlirlərin artımına uyğun olaraq əhalinin xərclərinin real artım tempi növbəti ildə 3,5 faiz, 2027-2029-cu illərdə isə orta illik 3,6 faiz səviyyəsində proqnozlaşdırılır.

İş elanları AzVak.az-da

Proqnozlara görə,  əsas  kapitala  investisiyaların  həcmi  2026-cı  ildə  6,9  faiz, 2027–2029-cu illərdə isə orta illik 2,9 faiz, qeyri-neft-qaz sektorunda isə müvafiq olaraq 1,1 faiz və 4,8 faiz artacaqdır. 2026-cı ilin dövlət və icmal büdcələri ölkənin sosial-iqtisadi prioritetləri və qarşımızda duran çağırışlar nəzərə alınmaqla tərtib olunub.

Ortamüddətli dövrdə dövlət maliyyəsi sahəsində neftdən asılılığın minimal həddə endirilməsi, habelə dövlət borcunun dayanıqlı səviyyədə qorunması üçün hökumət tərəfindən metrik strateji hədəflər və müvafiq yol xəritəsi  müəyyənləşdirilib.  Bu  ilin  dövlət  büdcəsində,  eyni  zamanda  büdcədənkənar dövlət fondlarının və regionların dövlət büdcəsindən asılılığının minimallaşdırılması prin-sipi rəhbər tutulub.

Ölkədə çoxşaxəli inkişaf strategiyasının həyata keçirilməsi, müdafiə qabiliyyətinin daha da gücləndirilməsi, işğaldan azad edilmiş ərazilərə Böyük Qayıdışın yüksək səviyyədə davam etməsi, iqtisadi artımın stimullaşdırılması, əhalinin sosial müdafiəsinin daha da gücləndirilməsi, habelə dövlətin əsas vəzifə və funksiyalarının həyata keçirilməsi üçün 2026-cı il üzrə maliyyə təminatı tam formalaşdırılıb.