Siqaret qaçaqmalçılığında ittiham edilən Ruslan Eyyubov həbslə bağlı şikayətini geri götürüb

Siqaret qaçaqmalçılığında ittiham edilən Ruslan Eyyubov həbslə bağlı şikayətini geri götürüb

Siqaret qaçaqmalçılığında ittiham edilən Ruslan Eyyubov həbslə bağlı şikayətini geri götürüb

Siqaret qaçaqmalçılığı ilə bağlı aparılan istintaq üzrə saxlanılan iş adamı Ruslan Eyyubov barəsində olan həbs qərarından apellyasiya şikayəti versə də, sonradan şikayətini geri götürüb.

Ruslan Eyyubovun şikayətini geri götürdüyü bu gün Bakı Apellyasiya Məhkəməsində hakim Emin Əliyevin sədrliyi ilə keçirilən prosesdə məlum olub.

Şikayət geri götürüldüyündən ərizəyə baxılmayıb.

Qeyd edək ki, Ruslan Eyyubov Baş Prokuror yanında Korrupsiyaya qarşı Mübarizə Baş İdarəsində aparılan istintaq üzrə saxlanılıb. "NB Qrup” şirkətinin rəhbəri Ruslan Eyyubov barəsində 2 aylıq həbs qətimkan tədbiri seçilib.

Ona Cinayət Məcəlləsinin 206.4 (mütəşəkkil dəstə tərkibində külli miqdarda qaçaqmalçılıq), 213-1.2.1, 213-1.2.2, 213-1.2.3 (qabaqcadan əlbir olan bir qrup şəxs tərəfindən təkrarən külli miqdarda aksiz markası ilə markalanmalı olan malları belə marka olmadan satış məqsədi ilə saxlama) və 308.2-ci (ağır nəticələrə səbəb olmaqla vəzifə səlahiyyətlərindən sui-istifadə etmə) maddələri ilə ittiham elan olunub.

Ruslan Eyyubov həm də bir neçə gün öncə Dövlət Gömrük Komitəsinin Dəniz Nəqliyyatı və Enerji Resursları Baş Gömrük İdarəsinin rəisi vəzifəsindən azad edilmiş Həsən Eyyubovun qardaşıdır.

İş elanları AzVak.az-da

siqaret qaçaqmalçılığı qaçaqmalçılıq istintaqı Ruslan Eyyubov NB Qrup həbs qətimkan tədbiri apellyasiya şikayəti Bakı Apellyasiya Məhkəməsi hakim Emin Əliyev məhkəmə prosesi şikayətin geri götürülməsi Baş Prokuror yanında Korrupsiyaya qarşı Mübarizə Baş İdarəsi Cinayət Məcəlləsi 206.4 mütəşəkkil dəstə ilə qaçaqmalçılıq aksiz markası olmadan satış Cinayət Məcəlləsi 213-1 maddələri Cinayət Məcəlləsi 308.2 vəzifə səlahiyyətlərindən sui-istifadə külli miqdarda qaçaqmalçılıq həbs qərarı Azərbaycan məhkəmə xəbərləri hüquq-mühafizə orqanları korrupsiya istintaqı gömrük sahəsində istintaq Dövlət Gömrük Komitəsi Həsən Eyyubov gömrük rəisi vəzifədən azad edilməsi biznes və hüquq xəbərləri cinayət işi Azərbaycan

26.12.2025 15:12