Bakıda 12-ci Beynəlxalq “Caspian Business Award 2025” mükafatlarının təltifetmə mərasimi təşkil olunub. Tədbirdə “ABB İnvest İnvestisiya Şirkəti” QSC yüksək peşəkarlığı, bazardakı dinamik inkişafı və müştərilərə göstərdiyi yüksək keyfiyyətli xidmətlərinə görə “İlin investisiya şirkəti” nominasiyasına layiq görülüb.

Mükafat şirkətin icraçı direktoru Nadir Babazadəyə təqdim edilib. Təltif zamanı Nadir Babazadə bildirib:

“Bu mükafat təkcə ABB Invest-in deyil, bütün komanda üzvlərimizin əzmkar əməyinin nəticəsidir. Məqsədimiz Azərbaycanın investisiya mühitinin inkişafına töhfə vermək, müştərilərimizə beynəlxalq standartlara uyğun xidmətlər təqdim etməkdir.”

2025-ci il ABB Invest üçün bir sıra strateji investisiya bankçılığı layihələri ilə yadda qalıb. Şirkət Bank of Bakunun istiqraz buraxılışında baş anderrayter (baş yerləşdirən) kimi çıxış edib. Həmçinin ABB Invest Avropa Yenidənqurma və İnkişaf Bankının (AYİB) dəyişən faizli istiqraz buraxılışında anderrayter qismində iştirak edib və emissiya üzrə tələb təklifi 10% üstələyib, bütün buraxılış ABB Invest tərəfindən tam yerləşdirilib. Bu hadisə ölkədə yeni növ istiqraz alətlərinin inkişafı üçün mühüm presedent yaradaraq kapital bazarına əlavə dinamika gətirib. Bu layihələr şirkətin institusional investorlarla əməkdaşlıq imkanlarını və yerli bazarda aparıcı mövqeyini daha da gücləndirib.

ABŞ səhm bazarından və yerli bazardan əlavə olaraq ABB Invest öz müştərilərinə ABB Mobile platforması vasitəsilə ABŞ dövlət və korporativ istiqrazlarına – beynəlxalq istiqraz bazarına birbaşa rahat və təhlükəsiz çıxış imkanı da təqdim edir. Bu məhsulların sabit faiz gəliri, aşağı risk profili və USD əsaslı qazanc kimi üstünlükləri  investisiya imkanlarını genişləndirir və ABB Invest-in müştəri yönümlü innovativ yanaşmasını bir daha nümayiş etdirir.

Eyni zamanda, 2025-ci ildə ABB Invest ilə UNEC (Azərbaycan Dövlət İqtisad Universiteti) arasında strateji əməkdaşlıq memorandumu imzalanıb. Memorandum kapital bazarları üzrə bilik və təcrübə mübadiləsini gücləndirmək, maliyyə savadlılığını artırmaq və tələbələrin praktik bacarıqlarını inkişaf etdirmək məqsədi daşıyır. Çərçivə əməkdaşlığı tələbələr üçün peşəkar təcrübə və yay təcrübə proqramları, qiymətli kağızlar üzrə maarifləndirici təlimlər, şirkət və universitet əməkdaşlarının birgə seminarları, karyera dəstəyi və elmi nəşrlərin hazırlanması kimi fəaliyyətləri əhatə edərək təhsil və biznes sektorları arasında əlaqələrin möhkəmlənməsinə mühüm töhfə verir.

Tədbir və layihələr ABB Invest-in ölkədə kapital bazarlarının inkişafına verdiyi töhfəni, həmçinin institusional investorlara göstərdiyi yüksək xidmət səviyyəsini bir daha nümayiş etdirir.

Əlaqə:

ABB İnvest İnvestisiya Şirkəti QSC

Veb sayt:www.abbinvest.az

E-poçt: office@abbinvest.az

Telefon: +994 50 268 33 99