Qızılın qiyməti son 7 həftənin ən yüksək səviyyəsinə yaxındır

Qızılın qiyməti son 7 həftənin ən yüksək səviyyəsinə yaxındır

Qızılın qiyməti son 7 həftənin ən yüksək səviyyəsinə yaxındır

Qlobal bazarlarda qızıl son yeddi həftənin ən yüksək səviyyəsinə yaxın ticarət olunur.

Marja xəbər verir ki, qızıl, ABŞ Federal Ehtiyat Sisteminin (FED) gələn il daha çox faiz endirimi edəcəyi gözləntiləri fonunda Cümə günü son 7 həftənin zirvəsinə yaxın qalıb.

VTB-də minimal faiz dərəcəsi ilə nağd kredit 10.49%-dən

Marja.az xəbər verir ki, Bakı vaxtı ilə saat 09:40-da qızılın unsiyası 4277 dollara ticarət olunub. Qızıl, Cümə axşamı 21 oktyabrdan bəri ən yüksək səviyyəsinə çatdıqdan sonra həftəlik müqayisədə 1,8 faiz artımla həftəni müsbət başa vurmağa hazırlaşır.

ABŞ qızıl fyuçersləri 4306,20 dollar səviyyəsindədir.

Dollar ardıcıl üçüncü həftəni də zəifləmə ilə başa vurmağa hazırlaşır; bu isə qızılı xarici investorlar üçün daha ucuz edir.

ANZ-nin analitiki Soni Kumari deyib: “Qızıl üzrə proqnoz kifayət qədər müsbətdir və qrafik gələn il FED-dən yalnız bir faiz endirimi göstərsə belə, investorlar gələn il iki və ya üç faiz endirimini qiymətləndirirlər və bu da qızılın qiymətinin artmasına dəstək olur ”.

FED, Çərşənbə günü bu il üçüncü dəfə 25 baza bəndi həcmində faiz endirimi edib və qərar bölünmüş səslə qəbul edilib. İnvestorlar, açıqlanan bəyanatı və sədr Cerom Pauellin şərhlərini əvvəlki iclaslarla müqayisədə daha az “şahin” kimi qiymətləndirdilər. Rəsmilər bildiriblər ki, əlavə yumşaltma yalnız inflyasiyada nəzərəçarpacaq dərəcədə soyuma və əmək bazarında yumşalma müşahidə olunduğu halda gündəmə gələ bilər.

ABŞ-da işsizlik müavinəti müraciətləri ötən həftə təxminən 4,5 ilin ən böyük artımını göstərib; lakin bu artım əmək bazarında ciddi zəifləməyə işarə etmir.

Gəlir gətirməyən qızıl kimi aktivlər, adətən aşağı faiz mühitindən faydalanır. İnvestorlar indi FED-in siyasət trayektoriyasına dair daha çox ipucu üçün gələn həftə açıqlanacaq kənd təsərrüfatı sektorundan kənar məşğulluq (NFP) məlumatını gözləyirlər.

İş elanları AzVak.az-da

12.12.2025 09:40