Yaşıl Kart Sistemi çərçivəsində yüksək məbləğdə sığorta ödənişi həyata keçirilib

Yaşıl Kart Sistemi çərçivəsində yüksək məbləğdə sığorta ödənişi həyata keçirilib

Yaşıl Kart Sistemi çərçivəsində yüksək məbləğdə sığorta ödənişi həyata keçirilib

“İcbari Sığorta Bürosu” Hüquqi Şəxslərin İttifaqı (İSB) tərəfindən Yaşıl Kart Sistemi çərçivəsində ölkə xaricinə yüksək məbləğdə sığorta ödənişi həyata keçirilib.

Bürodan Marja-ya verilən məlumata görə, 161 min 20,85 manat (81min 418,24 avro) məbləğində sığorta ödənişi Almaniyanın Hess şəhərində Azərbaycan Yaşıl Kartına malik olan Qazaxıstan dövlət qeydiyyat nişanlı avtonəqliyyat vasitəsi sahibinin təqsiri üzündən baş vermiş hadisəyə görə ödənilib.

VTB-də minimal faiz dərəcəsi ilə nağd kredit 9.9%-dən

Ümumilikdə, 2025-ci ilin yanvar-noyabr ayları ərzində Azərbaycan Yaşıl Kart sahiblərinin təqsiri səbəbindən Türkiyə, Latviya, Litva, Polşa, İtaliya, Almaniya, Belçika və Bolqarıstanda ümumilkdə 336 yol-nəqliyyat hadisəsi baş verib. Həmin sığorta hadisələrinə görə 804 min 290 manat ödəniş həyata keçirilib.

Yasil Kart sistemi üzv büroların qarşılıqlı zəmanəti əsasında, avtonəqliyyat vasitələri ilə xarici ölkələrə səfər edən sürücülərin mülki məsuliyyətini sığortalayan vahid təminat sistemidir. Sistemin məqsədi xarici avtonəqliyyat vasitələrinin iştirakı ilə baş verən yol-nəqliyyat hadisələri zamanı zərər çəkmiş şəxslərin tələblərinin hadisənin baş verdiyi ölkənin daxili qanunvericiliyi ilə nəzərdə tutulmuş şərtlərə və qaydalara uyğun olaraq tənzimlənməsidir.

İSB 2016-cı ildə Beynəlxalq Bürolar Şurasına üzv seçilib və Beynəlxalq Yaşıl Kart Sistemində Azərbaycanı təmsil edir. 2023-cü ilin yanvarın 1-dən Gürcüstan və Qazaxıstanda qeydiyyatdan keçmiş nəqliyyat vasitələrinə də Azərbaycan Yaşıl Kartlarının satışı həyata keçirilir.

İcbari Sığorta Bürosu İSB Hüquqi Şəxslərin İttifaqı Yaşıl Kart Sistemi sığorta ödəmə ölkə xarici 161020 85 manat 81418 24 avro Almaniya Hess Qazaxıstan avtonəqliyyat vasitə hadisə 2025 yanvar novabr Azərbaycan Yaşıl Kart sahibləri Türkiyə Latviya Litva Polşa İtaliya Almaniya Belçika Bolqarıstan 336 yol-nəqliyyat hadisəsi 804290 manat üzv bürolar zəmanət avtonəqliyyat səfər sürücülər mülki məsuliyyət vahid təminat zərər çəkmış şəxslər tələblər qanunvericilik İSB 2016 Beynəlxalq Bürolar Şurası Yaşıl Kart Gürcüstan Qazaxıstan qeydiyyat satış

08.12.2025 10:56