Əmək Məcəlləsinə bir sıra dəyişikliklər ediləcək

Əmək Məcəlləsinə bir sıra dəyişikliklər ediləcək

Əmək Məcəlləsinə bir sıra dəyişikliklər ediləcək

Beynəlxalq Əmək Təşkilatının (BƏT) tələblərindən irəli gələrək Əmək Məcəlləsinə bir sıra dəyişikliklər ediləcək.

Bununla bağlı təklif layihəsi Milli Məclisin Regional məsələlər komitəsinin bugünkü iclasında müzakirə olunub.

Qeyd edilib ki, Azərbaycan BƏT-in ratifikasiya etdiyi bir neçə konvensiyanın tələblərinə uyğun olaraq Məcəlləyə "ailə vəzifələri olan işçi", "minimum əmək haqqı" anlayışı daxil edilir.

Həmçinin, BƏT-in 165 nömrəli Tövsiyəsinə uyğun olaraq Əmək Məcəlləsinin 94-cü maddəsinin yenidən işləməsi təklif edilir. Dəyişikliyə əsasən, işəgötürən vakant vəzifə (peşə) yarandıqda və əvvəllər natamam iş vaxtını yaradan zəruri amillər dəyişdikdə, natamam iş vaxtında çalışan işçinin tam iş vaxtında çalışması üçün tədbir görməlidir.

"Analığın mühafizəsi" Konvensiyasının tələblərinə əsasən isə Əmək Məcəlləsinə yeni hissə əlavə edilir. Təklifə əsasən, hamiləliyə və doğuşa görə məzuniyyətin doğuşdan əvvəlki hissəsinin müddəti doğuş gözlənilən gündən uşağın doğulduğu günədək ötən günlər qədər ödənişli olaraq uzadılır və bu halda məzuniyyətin doğuşdan sonrakı hissəsi qısaldılmayacaq. Həmçinin uşağının doğulması ilə əlaqədar kişilərə tibb müəssisəsinin arayışı əsasında doğuşdan əvvəl və doğuşdan sonra olan dövrdə cəmi 14 təqvim günü müddətində ödənişli məzuniyyət verilir.

Məcəlləyə edilən daha bir dəyişikliyə görə isə işəgötürənin yazılı (kağız daşıyıcıda və ya elektron informasiya sistemi vasitəsilə) xəbərdarlığından sonra işçi əmək məzuniyyətinin növbəlilik cədvəlinə və əmək məzuniyyətinin başqa vaxta keçirilməsi şərtləri və qaydasına riayət etməyərək əmək məzuniyyətindən istifadə etmək (tam, yaxud bir hissəsindən) üçün işəgötürənə ərizə ilə müraciət etmədikdə işəgötürənin əmri (sərəncamı, qərarı) ilə müvafiq iş ilinin əmək məzuniyyətinə göndərilir.

İş elanları AzVak.az-da

Azərbaycan Əmək Məcəlləsi dəyişikliklər Əmək Məcəlləsinə əlavələr Beynəlxalq Əmək Təşkilatı BƏT konvensiyaları ailə vəzifələri olan işçi minimum əmək haqqı Əmək Məcəlləsi 94-cü maddə işəgötürən öhdəlikləri natamam iş vaxtı tam iş vaxtı Analığın mühafizəsi konvensiyası hamiləlik məzuniyyəti doğuş məzuniyyəti kişilər üçün ödənişli məzuniyyət 14 təqvim günü məzuniyyət əmək məzuniyyətinin növbəlilik cədvəli əmək məzuniyyətinin təxirə salınması işçi ərizəsi işəgötürən əmri məzuniyyət qaydaları Azərbaycan iş qanunvericiliyi əmək hüquqları işçi hüquqları işəgötürən və işçi münasibətləri

03.12.2025 12:08