"Money Shop" qanunvericiliyi pozub - Vəzifəli şəxsi cərimələnib

"Money Shop" qanunvericiliyi pozub - Vəzifəli şəxsi cərimələnib

"Money Shop" qanunvericiliyi pozub - Vəzifəli şəxsi cərimələnib

Valyuta mübadiləsi fəaliyyətinə lisenziya almış "Money Shop” MMC-nin vəzifəli şəxsi inzibati məsuliyyətə cəlb olunub.

Marja.az Mərkəzi Banka istinadən xəbər verir ki, Azərbaycan Respublikasının Mərkəzi Bankı tərəfindən aparılan cari nəzarət prosesləri çərçivəsində valyuta tənzimi haqqında qanunvericiliyin tələblərinin pozulmasının aşkarlanması ilə əlaqədar "Money Shop" Məhdud Məsuliyyətli Cəmiyyətinin vəzifəli şəxsi Bakı Şəhəri Nəsimi Rayon Məhkəməsi tərəfindən İnzibati Xətalar Məcəlləsinin 602.4-cü maddəsinə müvafiq olaraq, 1000 manat məbləğində cərimə edilmişdir.

VTB-də minimal faiz dərəcəsi ilə nağd kredit 10.49%-dən

Hər gün yeni vakansiyalar - AzVak.az-da

Həmçinin “Money Shop” MMC-yə icrası məcburi göstəriş verilib.

Belə ki, “Money Shop” MMC tərəfindən “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 7.1-ci bəndinin tələbləri pozularaq 2025-ci ilin avqust ayının sonuna hesabatların təqdim edilməməsinə görə “Valyuta tənzimi haqqında” Azərbaycan Respublikası Qanununun 13-7.1.2-ci maddəsinin tələblərini rəhbər tutaraq Azərbaycan Respublikasının Mərkəzi Bankı tərəfindən “Money Shop” MMC-yə bu hesabatları qanunvericiliklə müəyyən edilmiş vaxtda təqdim edilməsi ilə bağlı icrası məcburi göstəriş verilmişdir.

Valyuta mübadiləsi fəaliyyəti - Azərbaycan Respublikasında xarici valyutanın qanunla müəyyən edilmiş qaydada alınması, satılması və dəyişdirilməsidir. Valyuta mübadiləsi fəaliyyətinə lisenziya almış şəxslər - “Valyuta tənzimi haqqında” Azərbaycan Respublikasının Qanunu ilə müəyyən edilmiş qaydada valyuta mübadiləsi fəaliyyətinə lisenziya almış rezident hüquqi və fiziki şəxslər və qeyri-rezident hüquqi şəxslərin filiallarıdır.

28.11.2025 14:43