"Getir Yemek" "Uber Eats"ə satılıb

"Getir"in Birləşmiş ərəb Əmirliklərindən (BƏƏ) olan əsas səhmdarı "Mubadala" investisiya fondu, ötən ay "Getir Araç"ın satışını tamamlamasından sonra qrup şirkətlərindən çıxmaq strategiyası çərçivəsində "Getir Yemək"in ABŞ şirkəti "Uber Eats"ə satışı üçün razılığa gəlib.

Marja.az xəbər verir ki, satışın detalları gizli saxlanılır, proses isə Türkiyənin Rəqabət Qurumunun araşdırmasındadır.

Reuters-ın xəbərinə görə, razılaşmanın həcmi və şərtləri barədə məlumat verilməyib və yekun qərarın Rəqabət Qurumunun araşdırmasının ardından məlum olacağı bildirilib. Mənbələrdən biri deyib: “Getir Yemək"in "Uber Eats"ə satışıilə bağlı tərəflər razılaşıb və sənədlər yekun təsdiq üçün Rəqabət Qurumuna göndərilib.”

"Uber" və "Mubadala" Reuters-in suallarını cavablandırmayıb. Rəqabət Qurumundan da hələlik rəsmi açıqlama yoxdur.

"Uber"in Türkiyə strategiyası güclənir

"Uber" may ayında "Trendyol GO"nun 85%-ni 700 milyon dollara almaq barədə "Trendyol Qrup"u ilə razılığa gəlmişdir. Bu addımdan sonra "Uber Eats"in bir sıra önəmli funksiyalarının da Türkiyədə istifadəyə veriləcəyi elan olunmuşdu.

"Getir Yemək"in satın alınması tamamlanarsa, "Uber Eats" Türkiyənin ən tanınmış iki yemək çatdırılma platformasını öz tərkibinə birləşdirmiş olacaq. Sektorun digər böyük oyunçusu "Yemeksepeti" isə hələ də Almaniyanın "Delivery Hero" şirkətininnəzdində fəaliyyət göstərir.

"Mubadala" "Geti"dən mərhələli şəkildə çıxır

BƏƏ-nin investisiya fondu "Mubadala", əsas səhmdarı olduğu "Getir"in Türkiyə əməliyyatlarında yenidənqurma addımlarını sürətləndirir.

Ötən ay "Getir Araç"ın "Tiktak"a satışı tam olaraq tamamlanıb, "Getir Finans" üçün isə potensial alıcılarla danışıqların aparıldığı bildirilir.

Getir Yemək Uber Eats Mubadala satış razılaşması Rəqabət Qurumu Türkiyə bazarı Trendyol GO satışı Uber strategiyası çatdırılma platformaları Yemeksepeti Delivery Hero Getir Araç satışı Tiktak Getir Finans investisiya fondu şirkət satışı yenidənqurma prosesi Türkiyə logistika sektoru Reuters xəbəri

24.11.2025 16:43