Toy aparıcıları, aşıq, bərbər, pinəçi, dayə, aşbaz, sürücü, bağban və ofisiantlar üçün sosial sığorta haqqı artırılır

Toy aparıcıları, aşıq, bərbər, pinəçi, dayə, aşbaz, sürücü, bağban və ofisiantlar üçün sosial sığorta haqqı artırılır

Toy aparıcıları, aşıq, bərbər, pinəçi, dayə, aşbaz, sürücü, bağban və ofisiantlar üçün sosial sığorta haqqı artırılır

Gələn il yanvarın 1-dən fərdi qaydada (muzdlu işçi cəlb etmədən) məşğul olan fiziki şəxslərin ödədiyi məcburi dövlət sosial sığorta haqları artırılır.

Bu, Milli Məclisin bu gün keçirilən iclasında müzakirəyə çıxarılan “Sosial sığorta haqqında” qanuna təklif edilən dəyişiklikdə əksini tapıb.

Beləliklə, toy, şənlik və digər tədbirlərdə aparıcılıq, çalğıçılıq, rəqqaslıq, aşıqlıq, məzhəkəçilik və digər oxşar fəaliyyət növləri, eləcə də fərdi foto, audio-video xidmətləri (fotostudiyalar istisna olmaqla) sahəsində fəaliyyət göstərən şəxslər üçün sosial sığorta haqqı minimum aylıq əməkhaqqının 5 faizindən 8 faizinə qaldırılır.

Çəkməçi, pinəçi, bərbər, dərzi, saat, televizor, soyuducu və digər məişət cihazlarının təmiri, nəqqaşlıq emalatxanalarının fəaliyyəti, həmçinin ev qulluqçuları, dayələr, fərdi sürücülər, bağbanlar, aşpazlar, gözətçilər, ofisiantlar və fərdi baytarlar üçün məcburi dövlət sosial sığorta haqqı minimum aylıq əməkhaqqının 3 faizindən 5 faizinə yüksəldilir.

Bu fəaliyyət növləri ilə məşğul olan fiziki şəxslər üçün aylıq sosial sığorta haqqının məbləğinə tətbiq edilən əmsallar isə hazırkı kimi qalacaq. Başqa sözlə, bu fiziki şəxslər üçün aylıq sosial sığorta haqqının məbləği əmsallar tətbiq edilməklə müəyyən olunur.

İş elanları AzVak.az-da

2026-cı il yanvarın 1-dək aşağıdakı əmsallar tətbiq edilməklə müəyyən olunacaq:

Bakı şəhərində (kənd və qəsəbələr daxil olmaqla) – 2,0;

Abşeron rayonunda, Sumqayıt və Gəncə şəhərlərində – 1,5;

Digər şəhər və rayonlarda – 1,0.

Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.

fərdi sahibkar muzdlu işçi cəlb etmədən fiziki şəxslər məcburi dövlət sosial sığorta haqqı artım toy şənlik aparıcılıq çalğıçılıq rəqqaslıq aşıqlıq məzhəkəçilik foto xidmətləri audio-video xidmətləri sosial sığorta minimum aylıq əməkhaqqı 5 faiz 8 faiz çəkməçi pinəçi bərbər dərzi saat təmiri televizor təmiri soyuducu təmiri məişət cihazları nəqqaşlıq ev qulluqçuları dayələr fərdi sürücülər bağbanlar aşpazlar gözətçilər ofisiantlar fərdi baytarlar 3 faiz 5 faiz əmsal Bakı şəhəri Abşeron rayonu Sumqayıt Gəncə digər şəhər və rayonlar 2026-cı il yanvar 1-dən

21.11.2025 14:54