Kriptovalyuta bazarlarında son günlər baş verən kəskin eniş dünən yeni mərhələyə keçib və Bitcoin son yeddi ayın ən aşağı səviyyəsinə düşüb. Marja.az xəbər verir ki, mumi kriptovalyuta bazarında yaşanan dəyər itkisi isə 1 trilyon dolları keçib. 

Nvidia-nın güclü gəlir proqnozu açıqlamasından sonra kriptovalyutaların qiymətləri günün sonuna doğru qismən bərpa olunsa da, əvvəlcə Bitcoin Nyu-York birjasında 88.522 dollara qədər enmişdi. Son satış dalğası həm dipdən alış edən fərdi investorları, həm də böyük şirkətləri ciddi zərbə altında qoyub.

Növbəti psixoloji səviyyələr 85 000 və 80 000 dollar civarında yerləşir. Əsas diqqət isə apreldə gömrük rüsumları ilə formalaşan 77 424 dollarlıq səviyyəyə yönəlib. Kriptovalyutaların ümumi bazar dəyəri 6 oktyabrda təxminən 4,3 trilyon dollarla zirvəyə çatmışdı, hazırda isə 3,2 trilyon dollar civarında dəyişir.

Bununla belə, itkinin böyük hissəsi real pul çıxışı deyil, “kağız üzərində” görünən dəyər itkisidir. CoinShares-in araşdırma rəhbəri Ceyms Batterfill bildirib: “İnvestorlar bir növ qaranlıqda yol tapmağa çalışırlar. Makroiqtisadi tərəfdən heç bir istiqamət göstərən siqnal yoxdur, buna görə də olduqca narahatdırlar”.

İş elanları AzVak.az-da

Bitcoin-in ilin əvvəlində 126 000 dolları bir qədər aşması iki əsas amilə söykənirdi: Fed-in bir neçə dəfə faiz endirəcəyi gözləntisi və institusional alışların artması. Bu iki ssenari dayanma həddinə çatdığından, momentumla alış edən investorlar bazardan çəkilib.

Yüri düşmüşkən Ether-in qiyməti 3 000 dollardan aşağı düşüb. Bu ilin ilk yarısındakı yüksəlişdə Bitcoin-dən geri qalan ikinci ən böyük token olan Ether, avqustda 5000 dollara yüksələrək 2021-ci ilin rekordunu qısa müddətə keçmişdi, lakin sonradan həmin qazancını tamamilə itirdi.

San-Fransiskoda yerləşən Bitwise Asset Management-in baş investisiya direktoru Metyu Houqan bildirib: “Satışların sonuna başlanğıcından daha yaxın olduğumuzu düşünürəm, lakin bazarlar hələ də narahatdır və kripto istiqamət tapmazdan əvvəl qiymətlər bir qədər də aşağı enə bilər”.